web counter
LEXO PA REKLAMA!

SHKARKO APP

App Store
Google Play

E fundit!

x

Rama “krah për krah” Becit në Shkodër/ Reagon Spahia: Show i radhës në vendin e krimit

19 Maj 2023, 21:57, Politikë CNA
Rama “krah për krah” Becit në Shkodër/ Reagon Spahia:
Bardh Spahia

Disa ditë pas fitores së Benet Becit në bashkinë e Shkodrës, kryeministri Edi Rama mbajti një taim falenderimi në këtë qytet.

Një reagim për këtë tur të nisur nga Rama në Shkodër, për të vijuar më pas në qytetet tjera, ka ardhur nga kandidati i “Bashkë Fitojmë”, Bardh Spahia.

Me anë të një statusi në rrjetet sociale, Spahia e cilëson turin si një show të radhës në vendin e krimit.

“Pas masakrës zgjedhore të 14 Majit, Edi Rama u rikthye në vendin e krimit. E bëri duke nisur nga një vend që kurrë nuk do të duhej të hynte brenda pa kërkuar më parë ndjesë. Vendi i Dëshmisë dhe Kujtesës nuk mund të jetë një hapësirë që kryeministri mund të dhurojë show-n e radhës në sytë e shkodranëve dhe shqiptarëve, pasi ai nuk e kupton peshën e rëndë që ka ai vend dhe ajo godinë. Për shumë familje brenda asaj hapësire dëshmohen vuajtjet e torturat çnjerëzore që kaluan të afërmit e tyre, bij e bija të Shkodrës. Nuk ka si ta dijë një kryeministër që vjen nga një familje e nomenklaturës komuniste. E bën që Shkodrës t’ja dëshmojë në çdo kohë e në çdo formë urrejtjen patologjike që ka për të, pasi nuk ka të ngopur nga dhunimi që kërkon t’i bëjë qytetarisë shkodrane.

Me të njëjtat skema si paraardhësit e tij, Edi Rama në 14 Maj i vërsuli Shkodrës krimin, paratë e pista, administratën patronazhiste, policinë politike dhe çdo instrument tjetër për ta nënshtruar, duke i tjetërsuar vullnetin e lirë qytetarëve të saj. E sot me shfaqjen e tij në rrugët e Shkodrës, përmes të njëjtave forma presioni e dhunimi çertifikon krimin elektoral që prodhoi vetëm 5 ditë më parë.

Ai dhe shpura e tij harrojnë se Shkodra nuk i është nënshtruar asnjëherë të keqes dhe gjithmonë përballë saj ka dalë më e fortë”, shkruan ai./ CNA.al





Lajmet e fundit nga