web counter
LEXO PA REKLAMA!

SHKARKO APP

App Store
Google Play

E kritikuan për aleancën me Metën/ Berisha: Ka qenë besnik, nuk bashkëpunoi për interes

20 Maj 2023, 14:19, Politikë CNA
E kritikuan për aleancën me Metën/ Berisha: Ka qenë besnik,
Fotomontazh - Sali Berisha dhe Ilir Meta

Kryetari i Partisë Demokratike, Sali Berisha është kritikuar ashpër pas rezultatit të zgjedhjeve vendore për bashkëpunimin me kreun e PL-së, Ilir Metën.

Shume demokratë kanë ngritur akuzat se PL përfitoi nga bashkëpunimi, pasi vetëm nuk do mund të merrte këshilltarë bashkiakë.

Por Berisha pretendon të kundërtën. Në një bashkëbisedim me qytetarët, Berisha tha se Meta ishte besnik dhe nuk kishte interes që PL të bënte koalicion si parti, por e lidhi marrëveshjen për të mirën e opozitës.

“Unë mendoj se Partia e Lirisë ka qenë plotësisht luajale dhe ajo nuk kishte asnjë interes si parti të bënte koalicion, por këtë koalicion ajo e bëri në mënyrë që opozita të kishte një fuqi më të madhe, përndryshe siç e patë ju, kandidatët tanë do detyroheshin të regjistroheshin të pavarur sepse Edi Rama me gjykatësit e tij, ekzekutorë të ligjit në sallën e gjyqit, mori logon dhe vulën e PD-së.

Në këto rrethana, të garantoj që Edi Rama do i kishte bërë shpërblimin më të madh Ilir Metës, nëse nuk do pranonte koalicionin me PD.

Duhet të kemi gjykim politik. Përpjekja ishte një dhe vetëm një, të asgjësohej PD në këtë farsë elektorale. Kjo përpjekje dështoi. PD mori 40 përqind të votës së elektoratit. Ne ishim para rrethanës që Edi Rama dhe jo vetëm ai, kërkonin me çdo kusht që të na zhduknin nga harta elektorale e vendit”, nënvizoi ai./ CNA.al





Lajmet e fundit nga