web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e fortë e kreut të PDIU-së/ Do të çojmë në SPAK Fredi Belerin

20 Maj 2023, 19:32, Politikë CNA

Deklarata e fortë e kreut të PDIU-së/ Do të

Kreu i PDIU-së, Shpëtim Idrizi ka deklaruar se do të çojë në SPAK kandidatin e “Bashkë Fitojmë” për Himarën, Fredi Beleri.

Idrizi theksoi se çështja për të cilën do të çojë në SPAK Belerin nuk lidhet me blerjen e votave për të cilën është arrestuar, por për advokimin e Vorio Epirit.

Kreu i PDIU-së theksoi se Beleri nuk duhej të kishte kandiduar në këto zgjedhje për shkak të të shkuarës së tij dhe ngjarjeve kriminale në të cilat është përfshirë.

Idrizi bëri të ditur se çështja do të shkojë në SPAK brenda javës së ardhshme.

“Ju nuk ju duken shantazhe kur ministri grek kërcënon Shqipërinë? Sigurisht që kur bëhet fjalë për krimet zgjedhore çështjet janë në SPAK. Drejtësia duhet të jetë shumë e kujdesshme, por duke parë që zyrtarë grek kërcënojnë me rrugën e integrimit dhe shkojnë bëjnë vizita peciale në burg, drejtësia të mbajë qëndrimin e saj e të mos i dorëzohet presioneve.
Drejtësia detyrim të vendosë në bazë të provave e fakteve.

Himara nuk është zonë minoritare. Beleri është një burgaxhi përsëritës edhe në Greqi. PDIU po konsultohet me një grup juristësh dhe do e çojmë ne në SPAK por jo për këtë çështje, por për advokimin i Vorio Epirit, evokon protokollin e Korfuzit, krahinën autonome dhe me pretendime irrendentiste ndaj Shqipërisë. Për këto arsye do të duhej të ishte ai në vëmendjen e drejtësisë amerikane. Do e çojmë në SPAK me shumë mundësi brenda javës që vjen.

Kemi hyrë në një zonë të nxehtë, më vjen keq kur shoh analistë që kanë inat Ramën dhe mbrojnë të pa mbrojturën. Vëmë partinë para Atdheut”, tha ai./CNA.al

 

 

 

 

 

 

 





Lajmet e fundit nga