LEXO PA REKLAMA!

SHKARKO APP

Berisha nuk ndal denoncimet/ “Përdhunuesit kanë shoqëruar deputetë të PS-së, janë vendosur si numërues”

22 Maj 2023, 12:16, Politikë CNA

Berisha nuk ndal denoncimet/ “Përdhunuesit kanë shoqëruar

Ish-kryeministri Sali Berisha nuk ndalet me denoncimet për shkeljet në zgjedhjet e 14 majit ku koalicioni "Bashkë Fitojmë" pësoi një humbje shumë të thellë.

Në një deklaratë për mediat, Berisha tha se persona të dënuar si përdhunues kanë shoqëruar deputetë të PS-së dhe janë vendosur si numërues në qendrat e votimit.

Një tjetër denoncim ishte se në burgun e grave në Tiranë është votuar 100% për Erion Veliajn, ku vetëm vëzhguesi ka guxuar të votojë ndryshe.

Ndër të tjera, Berisha tha se në disa qendra votimi qytetarët janë detyruar të mos futen fare në dhomën e fshehtë pasi fletët e votimit janë mbushur nga komisionerë.

Ai theksoi se të gjitha shkeljet e evidentuara gjatë këtij procesi, të cilin e ka quajtur një farsë, do të dokumentohen dhe për këtë është ngritur një komision, i cili do të kujdeset që të gjejë çdo detaj dhe çdo shkelje në zgjedhjet e 14 majit./ CNA.al

Lajmet e fundit nga