E fundit!

10:16 Politikë

Murrizi paralajmëron Berishën: Koha e këllirave duhet të marrë fund ose do fundoseni

Ish-deputeti i Partisë Demokratike, Myslim Murrizi, ka rea...

Shkarkimi i Ibrahimajt/ Çfarë ndodhi?

26 Korrik 2023, 19:15, Aktualitet CNA

Rreth mesditës, pas orës 15:00, u raportua shkarkimi i ministres së Financave, Delina Ibrahimaj, i cili më pas u mohua prej saj para se të hynte në mbledhjen e Asamblesë së Partisë Socialiste, rreth orës 18:00.

Një lajm që filloi e qarkulloi për rreth tri orë.

Kryeministri Edi Rama shkarkon njërën nga ministret
26 Korrik, 15:24

Por çfarë ndodhi?

Fillimisht në media filluan të qarkullonin informacione në lidhje me një debat të ashpër gjatë mbledhjes së qeverisë që drejtohej nga kjo e fundit.

Më pas ishte një portal i Baton Haxhiut ai që raportoi se ishte shkarkuar një nga ministrat e Ramës në një mbledhje urgjente.

Lajmi mori dhenë.

CNA e konfirmoi e para emrin e ministres së shkarkuar dhe rreth orës 16:00 filluan ta hidhnin dhe mediat kryesore të qeverisë siç është "Top Channel", "Report TV", etj, pra mediat thuajse zyrtare nga ku kalojnë lajmet e qeverisë.

CNA e konfirmoi lajmin nga burime të saj edhe nga njerëz të cilët kishin telefonuar ministren që u kishte shpjeguar debatin e ashpër, por dhe shkarkimin e saj nga kryeministri Rama.

Pra ministrja Ibrahimaj, pasdite, pas daljes së lajmit në komunikimet me të njohur dhe të afërm të saj ka konfirmuar shkarkimin nga kryeministri Rama dhe debatet e ndodhura në mbledhjen e qeverisë.

Shkarkimi i Ibrahimajt/ Çfarë ndodhi?

Më pas gjithçka u mohua. Edhe Ibrahimaj, edhe kryeministri thanë një “jo” për shkarkimin e saj.

Çfarë ndodhi në rreth tri orë ku qeveria la të qarkullonte një lajm që ishte totalisht i vërtetë? U tërhoq Edi Rama nga shkarkimi i ministres apo kjo ishte një lëvizje që zonja Ibrahimaj të ikte nga detyra së bashku me lëvizjet e tjera që kryeministri mund të propozojë së afërmi?

Mbajtja e mbledhjes së Asamblesë me dyer të mbyllura flet jo pak për situatën që kalon kjo PS pas plasjes së skandalit të inceneratorëve dhe hetimit nga SPAK-u të ish-zv. kryeministrit Arben Ahmetaj.

Kryeministri reflektoi, apo i duhej pak kohë për të bërë ndryshime në grup?

Burime i thanë CNA.al se lajmi për shkarkimin e ministres ishte i vërtetë e i konfirmuar, por ka qenë vetë qeveria që e ka lejuar qarkullimin e këtij lajmi për rreth 3 orë më pas për ta mohuar.

Ibrahimaj është shkarkuar nga shkarkimi deri në shtator.

Do mjaftonte një njoftim i thjeshtë i qeverisë, një postim i thjeshtë i ministres në rrjetet sociale për ta mohuar shkarkimin e saj. Por për tri orë nuk reagoi as zyra e kryeministrit, as vetë ministrja, por e konfirmuan nga burime të ndryshme, media të ndryshme shkarkimin e ministres.

Më pas gjithçka u mohua. Pra edhe këtu ka hije të forta se lajmi është lënë të qarkullojë, nuk ka qenë i kontrolluar, por më pas ka pasur një tërheqje të vendimit të kryeministrit për të sjellë ndryshime në qeveri në bllok në shtator.

Në mbledhjen e asamblesë kryeministri ka paralajmëruar ndryshime në qeveri në fillim të sezonit të ri palamentar. Një arsye e rikthimit të Ibrahimajt është edhe pushimi i parlamentarëve deri në shtator./CNA.al