web counter
LEXO PA REKLAMA!

SHKARKO APP

App Store
Google Play

E fundit!

x

Zjarret në vend/ Peleshi: Situata nën kontroll, janë shuar pjesa më e madhe e vatrave

27 Korrik 2023, 10:39, Aktualitet CNA

Zjarret në vend/ Peleshi: Situata nën kontroll, janë shuar pjesa

Ministri i Mbrojtjes, Niko Peleshi, ka deklaruar se situata e zjarreve në vend është paraqitur më e stabilizuar gjatë orëve të fundit.

Përmes një postimi në rrjetet sociale Peleshi shprehet se pas një pune të gjatë të trupave të emergjencave civile në bashkëpunim me efektivë të FA, është bërë e mundur shuarja e pjesës më të madhe të zjarreve dhe se aktualisht ka vetëm një vatër aktive zjarri, në masivin pyjor Plyk-Kraps-Gjorkos.

Për sa i përket landfillit të Vlorës ministri thotë se ka përmirësim të situatës dhe se gjendja po mbahet nën monitorim.

“Situata e zjarreve në territorin e vendit paraqitet më e mirë gjatë orëve të fundit.

Pas një pune të gjatë të trupave të emergjencave civile në bashkëpunim me efektivë të FA-së, nën koordinimin e Agjencisë së Mbrojtjes Civile është bërë e mundur shuarja e pjesës më të madhe të vatrave.

Ka vetëm një vatër aktive zjarri, në masivin pyjor Plyk-Kraps-Gjorkos, e cila u riaktivizua pas izolimit një ditë më parë. Po punohet në terren për fikjen e tij.

Ka përmirësim të situatës në fushën e mbetjeve në Vlorë, por  gjendja po mbahet nën monitorim.”-shkuan Peleshi./CNA.al





Lajmet e fundit nga