web counter
LEXO PA REKLAMA!

SHKARKO APP

App Store
Google Play

E fundit!

x

Deklarata “bombë”/ Gjiknuri i përfshirë në djegësin e Elbasanit, akuzat ndaj "tërmetit" të dosjes 184

27 Korrik 2023, 13:03, Aktualitet CNA

Deklarata “bombë”/ Gjiknuri i përfshirë në

Ish-kryeministri Sali Berisha ka lëshuar deklarata shumë të forta dhe akuza të njëpasnjëshme për ish-sekretarin e Përgjithshëm të PS-së, Damian Gjiknuri.

Berisha, në një konferencë për mediat, tha se me paratë e taksapagusve shqiptarë në djegësin e Elbasanit është parashikuar ndërtimi i një termocentrali impiant prodhim energjie nga djegia me kapacitet 2.3 megavat.

Sipas ish-kryeministrit në rastin konkret impianti shtetëror i paguan 2% shtetit dhe 98% koncensionarit që s’ndodh kurrë, kjo ndodh vetëm ku është Gjiknuri dhe Rama.

Më tej ai shton se e transferuar në 25 vite tejkalon disa herë vjedhjen që bëhet me impiantin e plehrave.

Berisha nënvizon se në këtë prokurim direkt u shkel çdo rregull me një vendim të qeverisë për të gjitha hec-et apo tec-et me fuqi prodhuese me 2 megavat që duhet të autorizoheshin dhe licencoheshin me vendim të këshillit të ministrave. Ai akuzon Gjiknurin se nuk mund ta kalonte këtë në Këshillin e Ministrave pasi donte të mbante paratë për vete dhe kryeministrin Rama.

Ai i mëshon faktit se në aferën e gjeneratorit të energjisë në djegësin e Elbasanit Gjiknuri është hajdut absolut kryesor.

"Damian Gjiknuri, njëri nga kriminelët më të damkosur në politikën shqiptare, në mbledhjen e fundit të asamblesë së mafies shtetërore më të rrezikshme në Evropë, u shkarkua nga detyra e Sekretarit të Përgjithshëm të mafies së Rilindjes.

Damian Gjiknuri është një nga figurat më kryesore të krimit në Shqipëri dhe më gjerë.
Ky famëzi është regjistruar në zhargonin e krimit për ‘tërmetin’, krimin e tmerrshëm elektoral.
Por Damian Gjiknuri është anëtar kryesor i klanit të mafies së plehrave Rama-Agaçi-Veliaj-Ahmetaj-Gjiknuri-Koka e me radhë.

Firma e tij ndodhet në të gjithë dokumentacionin e vjedhjes së shekullit.
Por krahas kësaj, Damian Gjiknuri është përgjegjës direkt për dimensionin më korruptiv, atë të prodhimit të energjisë nga djegësi i Elbasanit.

Dimension i injoruar në absurditet tërësisht nga hetimi dhe SKAP-i i partisë.
Vendimi i famshëm i datës 16 dhjetor 2014, ky vendim parashikon financimin e impiantit të përpunimit të plehrave dhe atij të prodhimit të energjisë nga qeveria, për Elbasanin është fjala.
Pra, të dyja së bashku arrijnë në vlerën 21 milionë euro sipas vendimit të qeverisë.
E vërteta është se këto nuk janë koncesion, por hajdutët, mafia, klani i plehrave Rama-Agaçi-Ahmetaj-Veliaj e me radhë, një prokurim direkt me paratë e taksapaguesve, e shpalli koncesion vetëm e vetëm për të maskuar vjedhjen e tij.

Por tani le të kthehemi tek aspekti i injoruar nga hetimi, ku ka dy përgjegjës direktë: Gjiknurin dhe Ramën.
Me paratë e taksapaguesve shqiptarë në Elbasan është parashikuar prodhimi i një termocentrali me kapacitet 2.3 megavat, dhe me detyrimin e shtetit shqiptar për të blerë energjinë e këtij impianti për 25 vite.
Si kundërvlerë, taksapaguesit e vjedhur shqiptarë, merrnin gjithsej 2 për qind të energjisë. Nëse ky impiant ndërtohej fund e krye me paratë e privatit, ai do ishte i detyruar që 2 për qind t’ia paguante shtetit shqiptar.
Kurse në rastin konkret, impianti shtetëror, i paguan 2 për qind shtetit dhe 98 për qind koncesionarit, që nuk mund të ndodhë vetëm kur është Edi Rama, Damian Gjiknuri dhe hajdutët e tjerë.

Në 25 vite, kjo tejkalon disa herë vjedhjen që bëhet me impiantin e plehrave.

Në këtë prokurim direkt u shkel çdo rregull me një vendim të qeverisë për të gjitha hec-et apo tec-et me fuqi prodhuese me 2 megavat duhet të autorizoheshin dhe licencoheshin me vendim të Këshillit të Ministrave dhe hajdut Gjiknuri e dinte shumë mirë këtë, por nuk mund ta kalonte në Këshillin e Ministrave donte të ndante paratë me Edi Ramën mos t'i ndante me të tjerë.

Në aferën e gjeneratorit të energjisë në djegësin e Elbasanit Gjiknuri është hajdut absolut kryesor", tha Berisha./ CNA





Lajmet e fundit nga