web counter
LEXO PA REKLAMA!

SHKARKO APP

App Store
Google Play

E fundit!

x

Gjiknuri: Inceneratori i Elbasanit funksionon, përpunon mbetje dhe prodhon energji

28 Korrik 2023, 12:52, Aktualitet CNA

Gjiknuri: Inceneratori i Elbasanit funksionon, përpunon mbetje dhe prodhon

Ish-sekretari i Përgjithshëm i PS-së, Damian Gjiknuri, ka reaguar për akuzat e ish-kryeministrit Sali Berisha, i cili u shpreh se është i përfshirë në aferën e djegësit të Elbasanit.

Ai ka deklaruar se nuk është thirrur ndonjëherë nga drejtësia, por nëse do të thirret është i gatshëm të përgjigjet.

Gjithashtu ka folur për akuzat për implikim në aferën e djegësit të Elbasanit.

 Ai tha se, ky impiant prodhon energji, përpunon mbetjet dhe funksionon.

“Sa i përket hetimit, dosja e inceneratorëve, nuk më kanë thirrur ndonjëherë, kur do të më thërrasin do përgjigjem.

Roli i ministrit të energjisë ka qenë shumë periferik, nuk ka pasur asnjë kompetencë direkte, por kjo nuk do të thotë se unë politikisht dhe me bindjen time mendoj se ato vepra janë të gabuara.

Ato janë vepra në dobi të publikut dhe ne për shkak të hijeve apo dritëhijeve në lidhje me procedurën nuk kemi pse të vrasim ato vepra sot në Elbasan. Elbasani është një impiant që funksionon, që prodhon energji, përpunon mbetje dhe ka zgjidhur një problem 10-vjeçar të Elbasanit që ata e dinë se çfarë kanë hequr, duke thithur tym. Nga kjo pikëpamje nuk ndiej asnjë lloj shqetësimi jam shumë i hapur për çdo sqarim siç kam bërë në komision hetimor”, tha Gjiknuri.





Lajmet e fundit nga