web counter
LEXO PA REKLAMA!

SHKARKO APP

App Store
Google Play

Basha me të tijtë s’pranojnë anulimin e zgjedhjeve/ Grupi i PD-së së vulës: Duan përçarje

28 Korrik 2023, 16:37, Politikë CNA

Basha me të tijtë s’pranojnë anulimin e zgjedhjeve/ Grupi i

Grupi Parlamentar i PD-së së vulës ka dalë me një reagim zyrtar pas qëndrimeve të njerëzve të Lulzim Bashës, të cilët nuk pranojnë anulimin e zgjedhjeve të 29 korrikut.

Grupi i PD-së së vulës thotë se vendimi i anulimit të zgjedhjeve është vendim i detyrueshëm për çdo anëtar të PD-së dhe çdo funksionar të saj.

Në deklaratë theksohet se interesi i Bashës është përçarja.

“Grupi Parlamentar i Partisë Demokratike apelon për maturi, për ofrimin e zgjidhjeve dhe jo thellimin e përcarjes; forcimin e partisë dhe jo shndërrimin e saj një parti familjare; respektimin e vendimit të Këshillit Kombëtar të Partisë Demokratike dhe jo rrugë antistatutore që kanë treguar që nuk të cojnë askund përveçse mbajnë nën konflikt permanent PD dhe forcojnë Edi Ramën.

Dje Këshilli Kombëtar i PD, organi më i lart vendimmarrës në PD, ka vendosur anullimin e datës 29 Korrik për zgjedhjet e kryetarit të PD. Ky vendim është i detyrueshëm për cdo anëtar të PD dhe për cdo funksionar të saj.

Por nesër Lulzim Basha ka lajmëruar një akt përçarës të Partisë Demokratike. Interesi i demokratëve është lufta e të gjithëve bashkë, kundër Edi Ramës. Interesi i Lulzim Bashës po duket që është përçarja, zvogëlimi, lufta dhe armiqësia mes demokratëve dhe ndërtimi i një partie personale, që i shërben vetëm interesit të tij personal.

Në vijim të ndërtimit të një partie personale, nesër sipas tij do të zgjidhet Kryetari i Partisë. Qartësisht ajo që po bën Lulzim Basha nuk ka lidhje me Partinë Demokratike. Këshilli Kombëtar i PD në detyrë, funksional, i regjistruar në gjykatë dhe me mandat që i përfundon më 17 Korrik 2025, ka vendosur me vendimin e datës 27 Korrik 2023 anullimin e zgjedhjeve.

Proceset antistatutore, nuk janë asgjë tjetër, vetëm një akt turpi për të dëmtuar PD, për të mbajtur gjallë ndasitë mes demokratëve dhe për të shfokusuar PD nga beteja me regjimin e Edi Ramës”, thekson grupi i PD-së së vulës./ CNA.al





Lajmet e fundit nga