web counter
LEXO PA REKLAMA!

SHKARKO APP

App Store
Google Play

Anulimi i zgjedhjeve për kryetarin e ri/ Indrit Sefa: Do vijojmë normalisht procesin më 29 korrik

27 Korrik 2023, 22:06, Politikë CNA
Anulimi i zgjedhjeve për kryetarin e ri/ Indrit Sefa: Do vijojmë
Përfaqësuesi ligjor i PD-së së Lulzim Bashës, Indrit Sefa

Përfaqësuesi ligjor i PD-së së Lulzim Bashës, Indrit Sefa ka reaguar për vendimin e anulimit të zgjedhjeve të 29 korrikut dhe për deklaratën e Gazment Bardhit.

Sefa e cilëson si qesharake deklaratën e Bardhit, ndërsa pretendon se anulimi i zgjedhjeve ka ka turpëruar demokratët.

Ai delaron se ata nuk do të tërhiqen, por do të vijojnë normalisht procesin e zgjedhjes së kryetarit në datën 29 korrik.

“Nuk ka gjë më qesharake se deklarata e sotme e Gazment Bardhit që ngarkon dhe shkarkon institucionet e PD, përfshirë dhe kryesinë, pasi përfundon një takim imagjinar.

Çdo demokrat ndihet sot i turpëruar për këtë keqpërdorje të radhës që Sali Berisha po i bën deputetëve të PD për interesat e tij personale. Hallet e Sali Berishës nuk janë hallet e demokratëve. Dhe të gjithë ata që i shërbejnë qëllimeve të tij e kanë të shkruar fatin e tyre në 3 dekadat e pluralizmit shqiptar.

I urojmë zotit Bardhi suksese për krijimin e partisë së parë digjitale në vend. Është një hap inovativ që duhet përshëndetur. PD nga ana e saj do të vijojë normalisht procesin e reformimit të saj dhe të zgjedhjes së kryetarit në datën 29 korrik. Vetëm kështu mund t’i shërbejmë qëllimit të demokratëve në përballjen me regjimin e Edi Ramës”, thekson Sefa./ CNA.al





Lajmet e fundit nga