web counter
LEXO PA REKLAMA!

SHKARKO APP

App Store
Google Play

E fundit!

x

Vasili dhe Braimllari, në SPAK/ Meta bën trimin: Unë nuk i druhem askujt

27 Korrik 2023, 18:15, Politikë CNA
Vasili dhe Braimllari, në SPAK/ Meta bën trimin: Unë nuk i druhem
Kreu i PL-së, Ilir Meta

Nënkryetari i Partisë së Lirisë, Petrit Vasili dhe ish-deputeti Endrit Brahimllari janë paraqitur në SPAK për akuzat e ngritura nga një gazetë austriake, lidhur me një lobim në SHBA.

Për këtë çështje ka folur ditën e sotme kreu i PL-së, Ilir Meta, i cili pretendon se akuzat e ngritura janë përralla.

I pyetur gjatë një daljeje televizive, kreu i PL-së deklaroi se personalisht nuk i druhet askujt, as vendimeve të SPAK-ut.

“Nuk i druhem asnjë veprimi të askujt përballë Ilir Metës apo dhe përballë Partisë së Lirisë, për arsye se ne jemi gjithmonë përballë qytetarëve, ne jemi gjithmonë përballë publikut. Ne jemi gjithmonë përballë të vërtetave dhe mbi të gjitha sepse gjithmonë kemi qene dhe jemi me ligjin, me Kushtetutën dhe me transparencën. Ju bëtë një pyetje konkrete dhe përmendët një gazetë austriake, ju duhet ta dini që të gjithë bosët e inceratorëve që vazhdojnë të paguhen dhe që nuk ndërpriten pagesat janë të gjithë në Austri. Nuk ka qenë asnjë çudi për ne dhe e kemi bërë të qartë, shkrimin e porositur të gazetës spekullative në fjalë.

Së dyti, ju duhet ta keni të qartë që ne kemi një marrëveshje ekstradimi me SHBA dhe e përmend këtë për t’i dhënë fund çdo spekullimi qesharak që nxitet prej kohësh nga mediat e Edi Ramës dhe nga të gjithë ata që ai i paguan për të mbyshur me informacion ekranet tuaja në mënyrë që të shmanget vëmendja nga çështja e inceneratorëve, nga dhjetra milionë euro të qytetarëve shqiptarë, që vidhen çdo ditë, duke u përpjekur për të krijuar lajme të rreme për denoncuesit kryesor të aferës inceneratorëve. Kështu që çdo veprim i PL ka qene totalisht transparent, ka qenë përmes bankës të audituar nga KQZ. Kështu që këto janë të gjitha përralla”, theksoi Meta./ CNA.al





Lajmet e fundit nga