web counter
LEXO PA REKLAMA!

SHKARKO APP

App Store
Google Play

Bejko, në hall/ “Bardhi ka marrë vulën, ka ikur në drejtim të paditur“

25 Korrik 2023, 15:08, Politikë CNA
Bejko, në hall/ “Bardhi ka marrë vulën, ka ikur në
Roland Bejko

Roland Bejko, ish-kandidati i vulës për Tiranën, është shfaqur shumë i shqetësuar pasi grupi i Lulzim Bashës ka humbur vulën.

Në një dalje televizive, Bejko tha se kryesia ka vendosur të prodhojë vulën pasi atë të mëparshmen e ka marrë sekretari i Përgjithshëm, Gazment Bardhi, dhe ka ikur në drejtim të paditur.

 “Personi përgjegjës që është sekretari i Përgjithshëm, e përdor vulën sa herë që ka nevojë partia. Atij ia ka lënë kryetari i partisë. Ka sekretariat kur lihet vula. Në kushtet ku është PD-ja sot që është pa kryetar dhe kryetari i komanduar ka dhënë dorëheqjen, detyrat i ushtron kryesia e partisë. Kjo e fundit po ushtron kompetencat që i ka dhënë statuti, nuk ka marrë kompetenca të tjera. Partia pret vulën, vulën e ka marrë Gaz Bardhi dhe ka ikur në drejtim të paditur”, tha Bejko./ CNA

Të njëjtin shqetësim ka pasur edhe kreu i komisionit zgjedhor të PD-së së vulës, Jemin Gjana, i cili nuk e dinte gjithashtu se ku kishte përfunduar vula. 

“Nuk besoj se ka thënë zoti Bardhi se vulën e kam unë, nuk besoj se ka arritur në këtë pikë. Fakti që nuk është vula këtu, nuk e di nëse e ka zoti Bardhi apo ndonjë tjetër, mund të mos e ketë zoti Bardhi, nuk e di kush e ka, ne po prodhojmë një vulë tjetër dhe është marrë vendimi, është prodhuar vula”, ka thënë Gjana./ CNA





Lajmet e fundit nga