web counter
LEXO PA REKLAMA!

SHKARKO APP

App Store
Google Play

E fundit!

x

Veliaj përshëndet fitoren e Memollës në Rrogozhinë/ “Mirënjohje të majtëve, por edhe shumë të djathtëve, që bënë diferencën”

24 Korrik 2023, 10:30, Politikë CNA

Veliaj përshëndet fitoren e Memollës në Rrogozhinë/

Drejtuesi politik i PS-së për Qarkun e Tiranës, Erion Veliaj, ka falënderuar votuesit e Rrogozhinës për votëbesimin që i dhanë kandidatit socialist, Edison Memolla, i cili fitoi zgjedhjet për kryebashkiak në këtë bashki.

Veliaj ka falënderuar gjithashtu edhe elektoratin e djathtë që sipas tij kësaj radhe votuan kandidatin socialist dhe shprehet se “demokratët janë vëllezërit tanë dhe kush shkëputet nga Saliu e salinjtë ka kryer një vepër patriotike”.

“Faleminderit nga zemra qytetarëve të Rrogozhinës, të majtë e të djathtë, që na dhanë një mbështetje përtej pritshmërive tona më optimiste!

Mirënjohje të majtëve, por edhe shumë të djathtëve, që bënë diferencën duke braktisur politikën ‘përça e sundo’ e ‘mish për top’ kundër Perëndimit! Demokratët nuk janë armiqtë tanë, ata nuk janë Saliu, familjet e tyre nuk vrasin e vjedhin, nuk i hapin luftë qytetërimit, nuk jetojnë duke shqyer tjetrin. Demokratët janë vëllezërit tanë dhe kush shkëputet nga Saliu e salinjtë ka kryer një vepër patriotike sot duke votuar majtas! Këtë mesazh e lexuam qartë e do t'ju shërbejmë me përulësi të gjithëve!

Ky është një rezultat i cili u jep përgjigje të gjithëve. Dhe u jep fund përpëlitjeve absurde nga njerëz që duan të përdorin votën për t'u mbrojtur nga zullumet që kanë kryer. Qytetarët e Rrogozhinës nuk e hanë presionin nga askush. As nga xhepat e thellë as nga gojët e thella. Qytetarët e Rrogozhinës duan njerëzit që punojnë, jo ata që përfitojnë. Ky është mesazhi, ky është mandati që na dhanë. Puna! Kësaj do t'i dalim për zot! Punë të mbarë Edisonit e skuadrës sonë aty!”-shkruan Veliaj./CNA.al





Lajmet e fundit nga