web counter
LEXO PA REKLAMA!

SHKARKO APP

App Store
Google Play

Taulant Balla, thirrje organeve të drejtësisë/ Dënime ekzemplare për autorët e zjarreve

27 Korrik 2023, 19:29, Politikë CNA
Taulant Balla, thirrje organeve të drejtësisë/ Dënime
Ministri i Brendshëm, Taulant Balla

Ministri i Brendshëm, Taulant Balla, ka bërë një thirrje të fortë për institucionet e drejtësisë, teksa ka inspektuar punën për shuarjen e një vatre aktive zjarri në Lushnje.

Balla deklaroi se prokuroria duhet të kërkojë dënime ekzemplare dhe organet e drejtësisë duhet të jenë të ashpra me këdo që përfshihet në zjarrvënie.

Një thirrje ai bëri edhe për qytetarët, të cilëve u vuri në dukje se zjarrvënia është vepër penale, e cila bëhet akoma më e rëndë në rastet kur është e qëllimshme.

“Dua t’i bëj një thirrje gjithkujt që përfshihet në zjarrvënie, edhe pa dashje për të djegur kashtën pas korrjes së grurit, duhet të kuptojë se është një vepër penale dhe për ata që e bëjnë me dashje, kjo është një vepër penale dhe më e rëndë akoma. Në shumë zona të Shqipërisë, jo vetëm këtu në Lushnje, por në shumë pjesë të tjera të territorit, policia ka ndaluar një numër të konsiderueshëm personash që janë përfshirë në këto zjarrëvënie. Thirrja ime është që gjithkush duhet të kuptojë që ne do të jemi shumë të ashpër dhe thirrje ime shkon për prokurorinë, e cila në të gjitha rastet e referimeve të Policisë së Shtetit, do të duhet të marrin dënime ekzemplare”, theksoi ministri./ CNA.al





Lajmet e fundit nga