web counter
LEXO PA REKLAMA!

SHKARKO APP

App Store
Google Play

E fundit!

x

Berisha sulmon SPAK-un/ “Urdhër-arrestet u shitën deri në 5 milionë euro”

28 Korrik 2023, 12:36, Politikë CNA

Berisha sulmon SPAK-un/ “Urdhër-arrestet u shitën deri në 5

Ish-kryeministri Sali Berisha ka reaguar në lidhje me operacionin që u ndërmor ditën e djeshme nga SPAK-u, ku u dhanë 15 urdhër-arreste dhe u ekzekutuan 4 prej tyre.

Berisha shprehet se operacioni u dekonspirua dhe mandatet e arrestit u shitën deri në 5 milionë euro duke bërë të mundur arratisjen e 11 personave të tjerë që pritej të arrestoheshin nga policia.

Ish-kryeministri shprehet se dekonspirimi dhe arratisja e tyre u orkestrua nga Kryeministri Edi Rama dhe ministri i Brendshëm, Taulant Balla.

“Jam këtu për të dënuar me forcën më të madhe dështimin e operacionit antikrim të ndërmarrë dje dhe pardje, në të cilin, nga 15 mandate-arresti, janë ekzekutuar gjithsej 4, 11 të tjera janë shitur. Janë shitur me shuma marramendëse, me shuma që shkojnë, siç flitet edhe 3 dhe 5 milionë euro.

Bosët e drogës dhe krimit, paratë i kanë në kontejner të groposur, për të shpëtuar kokën, nuk njohin kufi.

Por dekonspirimi i aksionit jashtëzakonisht të rëndësishëm, është një akt, një megakrim i vërtetë. E bën shumë dëshpëruese përpjekjen e atyre, të cilët përpiqen të çlirojnë shqiptarët nga kthetrat e krimit.

Të dekonspirosh në një operacion, mbi 72 për qind të mandat-arresteve, je 7 herë kriminel më keq se ata që i informon, pavarësisht nga krimi që mund të kenë kryer.

Të gjitha fijet e këtij operacioni të çojnë tek Edi Rama dhe Taulant Balla.”/CNA.al





Lajmet e fundit nga