LEXO PA REKLAMA!

SHKARKO APP

Balla paralajmëron drejtuesit e mjeteve/ “Fenomeni i ecjes me shpejtësi do të ndëshkohet”

29 Korrik 2023, 12:25, Aktualitet CNA

Balla paralajmëron drejtuesit e mjeteve/ “Fenomeni i ecjes me

Ministri i Brendshëm Taulant Balla ka përgëzuar policinë e Elbasanit për shoqërimin e një personi i cili akuzohet se ka prishur qetësinë publike si dhe ka shkelur rregullat e qarkullimit.

Balla ka paralajmëruar drejtuesit e mjeteve që fenomeni i ecjes me shpejtësi në rrugë do të ndëshkohet nga forcat e Policisë së Shtetit.

 “Dua të falënderoj qytetarët që denoncojnë rastet e prishjes së qetësisë publike dhe të shkeljes të rregullave të qarkullimit nga persona të papërgjegjshëm. Fenomeni i rëndomtë i ecjes me shpejtësi në zona të banuara do të marrë gjithmonë ndëshkim nga forcat e Policisë së Shtetit”, u shpreh Balla.

Njoftimi i policisë:

Policia e Elbasanit pas marrjes së një ankese nga qytetarët, ankesë e shoqëruar edhe me video, në të cilën shfaqet një automjet që qarkullonte me shpejtësi në bulevardin “Qemal Stafa”, ka bërë të mundur identifikimin dhe shoqërimin në Komisariatin e Policisë të automjetit  së bashku me  drejtuesin shtetasin  K. D. Në vijim të veprimeve, Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi në gjendje të lirë ndaj shtetasit K. D., 25 vjeç, banues në Elbasan, për veprën penale “Prishja e qetësisë publike”/CNA

Lajmet e fundit nga