web counter
LEXO PA REKLAMA!

SHKARKO APP

App Store
Google Play

E fundit!

x

Mesazhi i fortë i Gjergj Lucës për qeverinë turke e shqiptare/ Sillni eshtrat e Sami Frashërit në Shqipëri

28 Korrik 2023, 20:01, Aktualitet CNA

Mesazhi i fortë i Gjergj Lucës për qeverinë turke e

Nga varri i Sami Frashërit në Stamboll, stërnipi i tij Gjergj Luca i ka  dërguar një mesazh të fortë qeverisë turke dhe asaj shqiptare.

Luca ka kërkuar sjelljen në atdhe të eshtrave të rilindasit Sami Frashëri.

“I lutem shtetit bjereni pranë vëllezërve dhe do të kujdesem unë personalisht për të bërë një vend pelegrinazhi të mrekullueshëm në Frashër.”, thotë Luca në një video të publikuar.  

Luca thotë se Sami Frashëri e ka vendin më mirë në Shqipëri sesa në Stamboll.

Fjala e plotë e Gjergj Lucës:

Përshëndetje nga Stambolli. Nuk mund të ikja dot nga Stambolli pa ardhur dhe pa përshëndetur këtë burrë të madh në varrezat e Stambollit. Këtë rilindas këtë pjesë të gjakut të familjes time, sepse ju siç e dini mamaja ka qenë mbesë e Frashërit. Nëpërmjet kësaj videoje kam dëshirë të sensibilizoj qeverinë shqiptare, që të ketë mundësi dhe eshtrat e këtij rilindasi, këtij burri të madh që ka kontribuar për Shqipërinë, por ka kontribuar shumë edhe për Turqinë, këtij burri që me mendjen e tij të ndritur me studimet e tij luftoi që kombin turk e kulturën turke ta çonte nga orienti drejt oksidentit. Ka bërë edhe për Shqipërinë tonë pa reshtur.

Miqtë e mi, vëllezërit Frashëri, këta burra të mëdhenj të kombit tonë që nuk kanë kursyer asgjë për të bërë për kombin tonë. Kjo pjesë që është një krenari në kombin tonë nuk ja arritën t’ja dalin nga horrdhit e gjithë qenve e kadegorive, e të pseudopatriotëve për një shekull e sa rresht.

Fjala Rilindje zë vend sot në Shqipëri, mendoj se shteti ka filluar të funksionojë. Mendoj që horrat kanë filluar të kenë frikë. Unë mendoj që do të shkojmë në drejtimin e duhur. Mendoj se shumë shpejt do të jemi krenar që do të jemi pjesë e kulturës oksidentale e do të shkëputemi përfundimisht nga orienti.

Përmes këtij simboli, pjesë e vogël jam dhe unë, i lutem shtetit bjereni pranë vëllezërve dhe do të kujdesem unë personalisht për të bërë një vend pelegrinazhi të mrekullueshëm në Frashër.

Një varr shumë më i bukur, shumë më i madh është varri i të birit. Mbase ky burrë mund ta ketë vendin këtu se për Shqipërinë tonë ka qenë më i shkëputur por ka bërë shumë për Turqinë. Ta marrim këtë (Sami Frashërin)! Ta marrim këtë burrë të madh! Ta marrim se e ka vendin më mirë në Frashër e në Shqipërinë tonë sesa këtu në Stamboll./CNA.al





Lajmet e fundit nga