LEXO PA REKLAMA!

SHKARKO APP

"Gjergj Luca 'grabit' kënetën e Butrintit!"/ Biznesmeni përgënjeshtron mediat "tallava"

19 Korrik 2023, 17:32, Aktualitet CNA

"Gjergj Luca 'grabit' kënetën e Butrintit!"/

Biznesmeni dhe sipërmarrësi, Gjergj Luca ka vizituar së fundmi një kënetë në Butrint, për të cilën është akuzuar më parë nga mediat se e ka marrë me koncesion.

Ai i ka përgënjeshtruar mediat, duke treguar se vendi për të cilin akuzohet nuk është një liqen, por një kënetë që ka mbetur ashtu siç ka qenë

Këtë e vërteton duke publikuar një video me Nashon, një peshkatar që jeton pranë kënetës, në një shtëpizë ku nuk ka as drita dhe as sinjal.

“Gjergj Luca grabit kënetën e Butrintit!

I mbani mend mediat tallava kur na sulmonin e na akuzonin pa pikë përgjegjësie sikur unë kisha përlarë Butrintin bashkë me liqenin rrotull? Erdha sot këtu te vendi i krimit tu prezantoj edhe me ortakun tim, oligarkun tjetër Nasho peshkatarin e 40 viteve të fundit i cili nuk ka ende as energji elektrike e as sinjal celulari. Nasho ashtu si mua ka pasionin për punën!”, shkruan biznesmeni.

 

Ndërkohë, në video, ku shfaqet së bashku me Nashon, ai deklaron se e vërteta do të dalë në dritë herët apo vonë.

“Përshëndetje me Robinson Kruson

Po miqtë e mi, ky është Nasho, që na kanë bërë copë të dyve, që kemi bërë korrupsionin e madh te kjo këneta që shihni mbrapa ju, është këneta e Butrintit që shihni mbrapa. Kjo është kasollja e Nashos që punon me fëmijë gjithë jetën. Ndërsa kjo këtu mbrapa është ajo këneta e madhe e Nashos që thanë Butrintin bënë copë gjithë mediat e tallavasë. Kjo është dora e Nashos, këto duart e Nashos kur ta jep të çjerrin. Tani këtë kënetën që është si pellg, se në gjuhën e peshkatarëve quhet pellg, u turrën për t’ia grabitur. Dhe mediat e tallavasë u turrën dhe ne të dy kemi bërë korrupsionin e madh.

Tani, o miqtë e mij, mua sa herë këto mediat e tallavasë të dalin e të më bëjnë copë, unë do dal me njerëzit dhe do t’i tregoj fakte. Dhe njerëzve i ka ardhur momenti që të dëgjojnë dhe të shikojnë punën sepse prej punës del e vërteta dhe jo prej llafeve të këtij llumi, që ka kapur peng për 32 vjet duke gënjyer ditë e natë për të kthyer në të vërteta, por e vërteta Nasho ka sy”, thekson Luca./ CNA.al

Lajmet e fundit nga