web counter
LEXO PA REKLAMA!

SHKARKO APP

App Store
Google Play

Makina e ministrit të Brendshëm, me gjoba të papaguara prej 3 vitesh/ Taulant Balla, ia faturon policisë

18 Korrik 2023, 22:50, Aktualitet CNA

Makina e ministrit të Brendshëm, me gjoba të papaguara prej 3

Makina me të cilën lëviz ministri i Brendshëm, Taulant Balla, rezulton me gjoba të papaguara prej 3 vitesh.

Pas publikimit të këtij fakti në media, ka reaguar vetë Balla, i cili deklaron se i ka tërhequr vëmendjen strukturave të Policisë së Shtetit që kanë lejuar akumulimin e gjobave.

Me anë të një statusi në rrjetet sociale, ai thotë se është për të ardhur keq që në media përmenden emrat e ministrave, pasi thekson se ata nuk i drejtojnë vetë makinat.

Balla thekson se për këtë e ka fajin Policia e Shtetit, pasi Qeveria e ka bërë të qartë se nuk duhen shkelur rregullat e qarkullimit as nga zyrtarët.

“Sot i kam tërhequr vëmendjen strukturave të Policisë së Shtetit për lejimin e akumulimit të gjobave për shkeljet e rregullave të qarkullimit nga ana e automjetit të Ministrit të Brendshëm!

Standardi i vendosur nga Kryeministri Rama qysh në ditën e parë të marrjes së detyrës nga ana e tij, ka qenë i qartë. Eskorta e kryeministrit e para dhe më pas të gjitha automjetet e tjera zyrtare të ministrave, deputetëve e me radhë, nuk mund të shkelin rregullat e qarkullimit përveçse në raste emergjencash të lidhura me detyrën. Ai standard i dha fund spektakleve prej të fortësh në rrugët e qytetit Tiranë mëngjes, drekë, darkë me sirena e me kapërcime semaforësh, të kategorive të lartpërmendura.

Është për të ardhur keq, sepse përveç të tjerash ministrat nuk i drejtojnë makinat vetë dhe s’ka pse emrat e tyre të përmenden nëpër portale apo tv (siç ndodhi sot me paraardhësin tim që sapo la detyrën) për shkak se Policia e Shtetit nuk ekzekuton vendimet e gjobave përkatëse!

Uroj që kjo kujtesë t’u shërbejë të gjithëve për të bërë detyrën e tyre sipas ligjit”, thekson ministri i Brendshëm./ CNA.al





Lajmet e fundit nga