web counter
LEXO PA REKLAMA!

SHKARKO APP

App Store
Google Play

Ekskluzive – Dokumentet që tregojnë se Mërtiri dhe Zoto fshihen pas aferës së inceneratorëve

18 Korrik 2023, 22:03, Aktualitet CNA

Ekskluzive – Dokumentet që tregojnë se Mërtiri dhe Zoto

CNA ka siguruar të tjera dokumente ekskluzivë që zbulojnë se Mirel Mërtiri dhe Klodian Zoto janë dy personat që fshihen pas megaaferës së inceneratorëve.

Bëhet fjalë për dy emaile konfirmimi nga vetë Mërtiri dhe Zoto, të cilët sot mohojnë se kanë lidhje me inceneratorët.

Njëri prej emaileve të bërë publikë për herë të parë nga CNA është një konfirmim që Mërtiri i jep punonjësve të inceneratorit në lidhje me faturimet për mbetjet e Teatrit Kombëtar.

Punonjësit kërkojnë miratim për të proceduar me largimin e mbetjeve dhe Mërtiri përveçse jep konfirmimin e tij, kërkon që Bashkia e Tiranës të mos tarifohet për Teatrin Kombëtar.

“Bëni rakordimin me bashkinë, por mos e faturoni Teatrin... Ditë të mbarë”, thuhet në emailin e Mërtirit, të dërguar më 18 maj të 2020-ës, një ditë pas shembjes së Teatrit Kombëtar.

Ekskluzive – Dokumentet që tregojnë se Mërtiri dhe Zoto

Emaili i dytë është një konfirmim nga Klodian Zoto për depozitimin e mbetjeve të akumuluara nga rehabilitimi i Çerdhes Nr. 11, në Tiranë.

Zoto i konfirmon vartësve të tij, më 5 shkurt të 2021-shit që të procedojnë sipas procesit të punës me urgjencë.

“Ecni me urgjencë se më morën dhe mua”, shkruan Zoto, duke theksuar kështu se ka kontaktuar me Bashkinë e Tiranës.

Ekskluzive – Dokumentet që tregojnë se Mërtiri dhe Zoto

Këto dy dokumenta ekskluzivë që vërtetojnë se Mërtiri dhe Zoto fshihen pas aferës së inceneratorëve, janë publikuar mbrëmjen e sotme edhe nga gazetari Elvi Fundo në emisionin e Ardi Krastës.

“Me këto dokumenta dua të tregoj se pas inceneratorëve kanë qenë gjithmonë Klodian Zoto dhe Mirel Mërtiri”, theksoi gazetari./ CNA.al

KUJDES! Shkrimi është ekskluziv i CNA.al dhe gëzon të drejtën e autorësisë, sipas Ligjit Nr. 35/2016, “Për të drejtat e autorit dhe të drejtat e lidhura me to”. Ai mund të ripublikohet nga mediat e tjera vetëm duke cituar “CNA.al” shoqëruar me linkun e artikullit origjinal.





Lajmet e fundit nga