web counter
LEXO PA REKLAMA!

SHKARKO APP

App Store
Google Play

Marrja peng e diplomave/ Studentët: Po kërkoni të na sakrifikoni

18 Korrik 2023, 10:46, Aktualitet CNA

Marrja peng e diplomave/ Studentët: Po kërkoni të na sakrifikoni

Një grup përfaqësimi nga studentët e mjekësisë janë ballafquar në Komisionin e Ligjeve me deputetët në lidhje me projektligjin e qeverisë që kufizon studentët në marrjen e diplomës.

Një nga studentët e pranishëm në komision u shpreh se ky ligj u përngjan ritualeve pagane, të cilët zgjidhjen e problemit e shikonin te flijimi i njerëzve.

I riu shprehu gatishmërinë e studentëve që në mënyrë të përbashkët me qeverinë të gjejnë zgjidhjen e hemorragjisë së largimeve masive të mjekëve të sapodiplomuar.

Ai theksoi se sistemi shëndetësor për ta është çështje jetësore dhe jo thjesht ligjore siç është për deputetët.

“Keni vite që thoni numri i mjekëve për banorë ka ardhur në rritje.

Më duket e pakuptimtë të bëhet një politikë kaq agresive kur ka përmirësime.

Ky projektligj më duket si fiset pagane që sa herë kishin probleme sakrifikonin njerëz.

Ne jemi të gatshëm të ulemi të konsultohemi.

Askush më mirë se ne nuk e di se çfarë do të na bënte ne të qëndronim këtu.

Nëse për ju është një ligj, për ne sistemi shëndetësor është e gjithë jeta jonë.

Ju nuk e dini më mirë se ne, ne e dimë më mirë se ju.”- u shpreh një nga studentët./ CNA





Lajmet e fundit nga