LEXO PA REKLAMA!

SHKARKO APP

Kompania e inceneratorit të Tiranës ka "pranuar" shkeljen e kontratës koncesionare

17 Korrik 2023, 17:37, Aktualitet CNA

Kompania e inceneratorit të Tiranës ka "pranuar" shkeljen e

Inceneratori i Tiranës, ai i Fierit dhe i Elbasanit janë kthyer në 3 skandale publike, politike, por dhe në procese të forta brenda strukturës së drejtësisë në SPAK.

Hetimet për korrupsion, për krerët e inceneratorëve, siç janë Mirel Mërtiri, Klodian Zoto dhe Stela Gugallja. Gjithashtu janë përfshirë dhe persona të tjerë.

Nën akuzë, duke u hetuar për fshehje dhe mosdeklarim pasurie është edhe ish-zv.kryeministri Arben Ahmetaj.

Inceneratori i Tiranës është një ndër më problematikët.

Në përllogaritjet e gazetarëve në 30 vjet diskutohet se shuma e të ardhurave të kompanisë do të jetë 750 milionë dollarë, ndërkohë që kryeministri ynë në daljen e tij publike te Komisioni Hetimor për inceneratorët tha që Qeveria shqiptare do të japë vetëm 300 milionë dollarë në 30 vite.

Me çuarjen e mbetjeve të qarkut të Durrësit në Tiranë, vlera është shtuar, është shumë herë më tepër parapagesa që do të japë shteti shqiptar.

Duhej të ndërtohej te landfilli i Tiranës dhe një incenerator, i cili as sot pas 6 vitesh të kontratës koncesionare nuk është ndërtuar.

Vetë kompania koncesionare, pak javë më parë në një sqarim për publikun tha se kishte investuar rreth 30 milionë dollarë tek inceneratori i Tiranës.

Shikoni tabelën e mëposhtme, e cila thotë qartësisht se e ndarë sipas viteve, në vitin e parë duheshin 38.5 milionë euro investime, në vitin e dytë 40 milionë euro investime, në vitin e tretë 20 milionë euro, e kështu me radhë.

Kompania e inceneratorit të Tiranës ka "pranuar" shkeljen e

Pra, në rreth 4 vite duhet të ishin investuar 110 milionë euro, ndërkohë sot në Tiranë janë investuar në 6 vite më pak se sa shuma që kompania duhej të kishte investuar vetëm vitin e parë.

Leja e ndërtimit është marrë në vitin 2019. Pra, 38.5 milionë euro, sipas kompanisë duhej të ishin paguar nga viti 2019 deri në vitin 2020.

Ndodhi pandemia, nga 2021 deri në 2022 apo nga 2022 deri në 2023 janë paguar në totalin e 6 viteve vetëm 30 milionë dollarë investime, sipas vetë kompanisë.

38.5 milionë euro duhej të ishin investuar vetëm vitin e parë dhe 40 vitin e dytë, në dy vite duhet të ishin investuar 80 milionë euro. Kompania në 6 vite, siç deklaron ajo vetë, ka investuar thjeshtë dhe vetëm 30 milionë euro nga të ardhurat që ka pasur, pasi deklaron dhe një fitim në këto 6 vite rreth 25-30 milionë dollarë. Pra është e përafërt vlera e fitimit me atë të investimit.

Ndërkohë në dy vitet e para duhej të kishte investuar më shumë se dyfish e gjysmë sesa vlera që ka deklaruar vetë kompania. Jemi përballë faktit të mosrespektimit dhe moszbatimit të kontratës koncesionare nga kompania “Integrated Energy BV SVP”, e cila vetë deklaron se ka investuar 30 milionë dollarë, ndërsa në çdolloj mënyrë që t’i llogarisësh vitet, nga 2017-ta, nga 2019-ta, para pandemisë apo pas pandemisë, duhej të kishte investuar jo më pak se 80 milionë euro.

Llogaritë euro dhe dollarë sot janë thuajse në të njëjtin kurs. Po t’i llogarisësh vlerat në euro dhe dollarë me kursin e vjetër diferencat janë ende edhe më të mëdha./ CNA.al

Kompania e inceneratorit të Tiranës ka "pranuar" shkeljen e

Lajmet e fundit nga