LEXO PA REKLAMA!

SHKARKO APP

Ndërroi jetë në mënyrë misterioze, mbërrin në atdhe zemra e të riut shqiptar

15 Korrik 2023, 12:56, Aktualitet CNA

Ndërroi jetë në mënyrë misterioze, mbërrin në

Zemra e të ndjerit Saimir Sula është sjellë në Shqipëri, pas nisjes nga Barcelona (Spanjë). Lajmin e ka bërë të ditur Ministria e Drejtësisë.

“Ministria e Drejtësisë, Prokuroria e Tiranës dhe Prokuroria e Përgjithshme në bashkëpunim me autoritetet spanjolle të drejtësisë realizuan me sukses procesin e riatdhesimit të zemrës të të ndjerit z. Saimir Sula në datën 15 korrik 2023 pranë Institutit të Mjekësisë Ligjore, Tiranë", thuhet në njoftimin e Ministrisë së Drejtësisë.

Ministria e Drejtësisë sqaron se organi i riut është marrë në dorëzim më 12 korrik nga një grup përfaqësuesish nga Ministria e Drejtësisë, Prokuroria e Tiranës, Prokuroria e Përgjithshme, Instituti i Mjekësisë Ligjore, përfaqësuesi i Ambasadës Shqiptare në Madrid. 

"Ministria e Drejtësisë ka qenë në koordinim të vazhdueshëm me autoritetet spanjolle, por vetëm në maj 2023 u mor vendimi nga Gjykata 16 e Barcelonës për lejimin e riatdhesimit të organit (zemrës)", thuhet në reagim. 

Prokurori i çështjes, njëkohësisht, në përmmbushje të detyrimeve ligjore njoftoi familjarët për praninë gjatë procesit të riatdhësimit.

Saimir Sula, është i riu i cili humbi jetën në rrethana misterioze në një spital në Barcelonë, më 9 maj, pasi kishte shfaqur shenja covidi.

Kanë qenë familjarët e tij që denoncuar rastin në prokurori, pasi pretendojnë se atij i mungonte organi i zemrës.

Ishte motra e të ndjerit, Majlinda Sula ajo që ngriti pretendime për mjekim të gabuar në Barcelonë gjë që solli nisjen e hetimeve në Tiranë.

 

Lajmet e fundit nga