LEXO PA REKLAMA!

SHKARKO APP

Banorët e Komanit në protestë, bllokojnë tunelin pas sekuestrimit të varkave

15 Korrik 2023, 09:13, Aktualitet CNA

Banorët e Komanit në protestë, bllokojnë tunelin pas

Operacioni policor i koduar “Lundrimi i sigurt” ka sjellë sekuestrimin nga ana e policisë të shumë mjeteve lundruese në liqenin e Komanit.

Në shenjë proteste banorët e kësaj zone kanë bllokuar mëngjesin e sotëm tunelin hyrës për në Koman, pas bllokimit të mjeteve të tyre lundruese.

Këto mjete lundruese përdoreshin kryesisht për transport turistësh, por dhe për lëvizjen e banorëve të Komanit në drejtim të banesave të tyre.

Më herët, banorët e Komanit dhe drejtuesit e bizneseve në luginën e Shalës protestuan në hyrje të bashkisë së Vaut të Dejës dhe kërkuan të priteshin nga kryetari i bashkisë Kristjan Shkreli.

Ata renditën shqetësimet e tyre duke theksuar se një aksion i tillë po dëmton shumë turizmin në luginën e Shalës.

Kryebashkiaku Shkreli u zotua për mbështetje maksimale dhe tha se mjetet e konfiskuara do u kthehen pronarëve.

2 javë më pare në liqenin e Komanit policia konfiskoi 1 traget dhe 10 mjete të tjera lundrimi artizanale ndërsa poseduesit e mjeteve u ndëshkuan me gjobë në vlerën 10 mijë lekë të reja.

 

 

Lajmet e fundit nga