web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Liderët e botës tregojnë 'muskujt', 'të armatosur' deri në dhëmbë

13 Korrik 2023, 09:28, Aktualitet CNA

VIDEO/ Liderët e botës tregojnë 'muskujt',

 

Kryeministri Edi Rama ka ndarë në rrjetet sociale një video po aq sa gazmore edhe kuptimplotë.

Në videon, e cila në të vërtetë është një montazh, shfaqen të gjithë liderët e vendeve anëtare të NATO-s të armatosur dhe me një sfond të fuqishëm ushtarak.

Videoja nis me kreun e aleancës euroatlantike Jens Stoltenberg si prijësi i koalicionit ushtarak më të fuqishëm në botë.

Stoltenberg pasohet nga presidenti, Emmanuel Macron, pasi Franca është një nga shtetet themeluese të kësaj aleance. Macron shfaqet i veshur si Napoleon Bonaparte, figurë emblematike e historisë franceze dhe botërore.

Pas Macron shfaqet kryeministri i Kanadasë, Justin Trudeau, po ashtu kryetar i një shteti nismëtar i kësaj aleance.

Me një uniformë ushtarake dhe mimikë autoritare shfaqet i treti kancelari gjerman Olaf Scholz.

Më tej në video shfaqet i relaksuar dhe me shumë vetëbesim, me një pije në dorë presidenti i SHBA-së, Joe Biden, i cili shprehet se tani “Është koha e NATO-s”.

Biden pasohet nga kryeministri britanik Rishi Sunak, i cili shfaqet i pozicionuar mbi një tank.
Kryeministrja e Italisë, Giorgia Meloni, si një lidere karizmatike shfaqet e veshur me të zeza me një armë automatik në dorë dhe në sfond qëndron një makinë e shpejtë dhe luksoze.

Nuk mungon as presidenti i Turqisë, Rexhep Tayyip Erdogan, i cili shfaqet i qetë. 

Kryeministri i Shqipërisë Edi Rama shfaqet si një “partizan” mes maleve me një automatik AK47 në dorë.
Çfarë vlen për t'u theksuar është përfshirja në video dhe e presidentit ukrainas Volodymyr Zelenskyy.

Ai renditet i fundit duke nënkuptuar mbështetjen e NATO-s për Ukrainën defacto aktualisht dhe anëtarësimin dejuro së shpejti.

 
 

 





Lajmet e fundit nga