web counter
LEXO PA REKLAMA!

SHKARKO APP

App Store
Google Play

NATO "zvarrit" anëtarësimin e Ukrainës në aleancë/ Zelenskyy: Vendim absurd

12 Korrik 2023, 08:32, Kosova & Bota CNA

NATO "zvarrit" anëtarësimin e Ukrainës në

Në samitin më të fundit të NATO-s në Lituani, liderët e shteteve anëtare në unanimitet ranë dakord që Ukraina të anëtarësohet në aleancë, vetëm “kur vendet anëtare të bien dakord e të plotësohen kushtet”.

Ky konkluzion vjen disa orë pasi Presidenti Volodymyr Zelenskyy e quajti mungesën e një vendimi mbi pranimin apo jo të Ukrainës në NATO, “absurd”.

“Ne riafirmuam se Ukraina do të bëhet anëtare e NATO-s dhe ramë dakord të heqim kërkesën për një plan veprimi për anëtarësim”, u tha gazetarëve Sekretari i Përgjithshëm i NATO-s, Jens Stoltenberg.

Pavarësisht mbështetjes masive të shumë vendeve anëtare të NATO-s kundrejt Ukrainës duke dërguar armë dhe municione, mes 31 aleatëve nuk ka konsensus lidhur me pranimin e Ukrainës në NATO.

Në vend të përcaktimit të një afati kohor për anëtarësimin e vendit, udhëheqësit e aleancës vendosën të heqin pengesat që lidhen me procesin, në mënyrë që Ukraina të mund t'i bashkohet më shpejt aleancës, pas përfundimit të luftës kundër Rusisë.

Zelenskyy kritikoi këtë qëndrim të NATO-s duke thënë se është absurd që nuk caktohet një afat kohor për anëtarësimin e shtetit në NATO.

“Është e paprecedentë dhe absurde që nuk caktohet një kornizë kohore, as për ftesën dhe as për anëtarësimin e Ukrainës”, shkruan Zelenskyy në "Twitter".

“Ndërsa në të njëjtën kohë, formulimi i paqartë për kushtet, shtohet edhe për ftesën ndaj Ukrainës, duket se nuk ka gatishmëri për ta ftuar Ukrainën në NATO apo për ta bërë atë anëtare të aleancës”, përfundon kreu i qeverisë ukrainase.

 





Lajmet e fundit nga