web counter
LEXO PA REKLAMA!

SHKARKO APP

App Store
Google Play

E fundit!

x

“BE është një ‘tigër prej letre’”/ Ministrja e Jashtme e Kosovës, sfidon kritikët

10 Korrik 2023, 19:45, Kosova & Bota CNA

“BE është një ‘tigër prej letre’”/

Ministrja e Jashtme e Kosovës, Donika Gërvalla, ka bërë një tjetër deklaratë të fortë për Bashkimin Evropian, pas asaj në Forumin e Dubrovnikut.

Ajo ka ripërsëritur thënien e saj se Bashkimi Evropian është një “tigër prej letre” në aspektin e sigurisë, pa Shtetet e Bashkuara dhe NATO-n.

Në një status në rrjetet sociale, Gërvalla ka rishpërndarë deklaratën se BE “nuk është në gjendje dhe nuk ka kapacitet për ta garantuar sigurinë”.

Ajo ka sfiduar publikisht të gjithë ata që e kritikuan, duke i quajtur “specialistë”. Ministrja i ka kërkuar kritikëve të tregojnë saktë se ku qëndron e pavërteta.

“I sfidoj publikisht ‘specialistët’, që para se të mësyjnë me sulme personale dhe etiketime nga më absurdet, të na tregojnë saktë se cila nga shkronjat e citatit të mësipërm është e pasaktë apo e pavërtetë”, ka shkruar ajo, ndërsa thekson se do ta ngrejë zërin sa herë që t’i jepet mundësia.

“Si çdo politikan i përgjegjshëm, me fanatizëm dhe zë të lartë mbroj të vërtetën dhe interesin e vendit tim, dhe vetëm të vendit tim, kudo që më krijohet mundësia të flas, ashtu si edhe të tjerët mbrojnë interesin e vendeve apo organizatave që përfaqësojnë”, ka theksuar ministrja./ CNA.al





Lajmet e fundit nga