web counter
LEXO PA REKLAMA!

SHKARKO APP

App Store
Google Play

E fundit!

x

Vizita e Yellen në Kinë, një hap përpara në marrëdhëniet me SHBA

9 Korrik 2023, 19:30, Kosova & Bota CNA

Vizita e Yellen në Kinë, një hap përpara në

Sekretarja amerikane e Thesarit, Janet Yellen, është shprehur se vizita e saj në Pekin ka rezultuar me një  "hap përpara" në përpjekjet për të stabilizuar marrëdhëniet midis dy vendeve.

Yellen ka folur mbi udhëtimin katër-ditor, gjatë të cilit u mbajtën bisedime mbi çështje të ndryshme përfshirë ndryshimet klimatike.

Sekretarja i cilësoi bisedimet si "të drejtpërdrejta, thelbësore dhe produktive" por pranoi se SHBA dhe Kina kanë ende "mosmarrëveshje të rëndësishme".

"Asnjë vizitë nuk do t'i zgjidhë sfidat tona brenda natës," u shpreh Yellen.

"Por ky udhëtim do të ndihmojë në ndërtimin e një kanali elastik dhe produktiv komunikimi me ekipin e ri ekonomik të Kinës."-shtoi ajo.

Marrëdhëniet SHBA-Kinë janë përkeqësuar vitet e fundit. Çështjet që ndajnë vendet përfshijnë të drejtat e njeriut në Xinjiang dhe Hong Kong, pretendimet territoriale ndaj Tajvanit dhe Detit të Kinës Jugore dhe dominimin në rritje të Pekinit mbi një mori industrish.

Zonja Yellen theksoi nevojën për një komunikim interaktiv duke shtuar se presidenti i SHBA Joe Biden nuk e shihte marrëdhënien midis SHBA-së dhe Kinës përmes kornizës së konfliktit të fuqive të mëdha.

"Ne besojmë se bota është mjaft e madhe që të dy vendet tona të lulëzojnë."

Për ndryshimin e klimës, zonja Yellen i kërkoi Pekinit të punojë me SHBA- në dhe të mbështesë institucionet si Fondi i Gjelbër i Klimës, i cili u krijua për të ndihmuar vendet në zhvillim të përshtaten me ndryshimin klimatik dhe të pakësojnë efektet e tij.

Pavarësisht tensioneve politike, tregtia mes dy vendeve u rrit në vitin 2022 për të tretin vit radhazi.

Sipas shifrave zyrtare, Kina eksportoi më shumë se 536 miliardë dollarë (422.3 miliardë £) mallra në SHBA vitin e kaluar, ndërsa 154 miliardë dollarë mallra shkuan në drejtimin tjetër./ CNA





Lajmet e fundit nga