web counter
LEXO PA REKLAMA!

SHKARKO APP

App Store
Google Play

"Do humbasin mundësi", Escobar i prerë: Kosova dhe Serbia të pranojnë planin tre pikësh

8 Korrik 2023, 10:13, Kosova & Bota CNA

"Do humbasin mundësi", Escobar i prerë: Kosova dhe Serbia

I dërguari special për Ballkanin Perëndimor, Gabriel Escobar, ka thënë se zgjidhja më e mirë për daljen nga kriza, është që Beogradi dhe Prishtina të pranojnë planin trepikësh të prezantuar nga Bashkimi Evropian.

“Ne kemi të dhëna pozitive se presidenti serb Aleksandar Vuçiç është i gatshëm ta pranojë, por kryeministri Albin Kurti duhet të bindet pak më shumë”, u tha Escobar gazetarëve në Zagreb, para se të mbërrinte në Forumin e sotëm të Dubrovnikut.

I pyetur se cilat do të jenë pasojat nëse Beogradi dhe Prishtina nuk i plotësojnë kërkesat e bashkësisë ndërkombëtare për de-përshkallëzimin e situatës, Escobar u përgjigj se të dyja palët do të humbasin mundësi të shumta.

“Pasojat nuk janë masa ndëshkuese, por janë mundësi të humbura që do të humbasin të dyja vendet nëse refuzojnë propozimin për dalje nga kriza”, tha Escobar.

"Partneriteti ynë me Kosovën është partneritet me popullin e Kosovës, jo me një parti apo figurë politike. Përkushtimi ynë ndaj KFOR-it dhe investimi në të ardhmen e Kosovës mbetet i fortë", u shpreh ai më tej. 

 





Lajmet e fundit nga