web counter
LEXO PA REKLAMA!

SHKARKO APP

App Store
Google Play

Tensionet në veri/ Lajçak, sërish në Kosovë

4 Korrik 2023, 08:20, Kosova & Bota CNA

Tensionet në veri/ Lajçak, sërish në Kosovë

I dërguari i posaçëm i Bashkimit Evropian për dialogun, Mirosllav Lajçak pritet të vizitojë sot Kosovën dhe do të zhvillojë një takim me presidenten Vjosa Osmani dhe kryeministrin Albin Kurti.

Qëllimi i vizitës është çtensionimi i situatës në veri të Kosovës.

Lajçak pritet të vizitojë edhe Serbinë, për të bindur palët që të kthehen në dialog.

“Në orën 15:00, Presidentja e Republikës së Kosovës, Vjosa Osmani, pret në takim Përfaqësuesin Special të BE-së, Miroslav Lajçak”, thuhet në njoftimin e zyrës për informim të Presidencës.

Kjo është vizita e dytë e Lajçakut brenda një muaji, pasi që ai në fillim të qershorit bëri një vizitë bashkë me emisarin amerikan për Ballkanin, Gabriel Escobar.

BE-ja në mënyrë konstante bën thirrje për të dyja palët që të bëjnë hapa të menjëhershëm për çtensionimin e situatës dhe të kthehen në dialogun për normalizimin e raporteve, që e ndërmjetëson Brukseli.

Këto thirrje u bënë edhe gjatë samitit të fundit të liderëve të BE-së që u mbajt javën e kaluar në Bruksel.

 





Lajmet e fundit nga