web counter
LEXO PA REKLAMA!

SHKARKO APP

App Store
Google Play

E fundit!

x

Grenell, kritika Joe Bidenit/ “Nëse Trump do ishte President, nuk do kishte tensione në Kosovë”

29 Qershor 2023, 22:54, Politikë CNA
Grenell, kritika Joe Bidenit/ “Nëse Trump do ishte President, nuk do
Ish i dërguari i Posaçëm i SHBA-ve për Ballkanin Perëndimor, Richard Grenell

Ish i dërguari i Posaçëm i SHBA-ve për Ballkanin Perëndimor, Richard Grenell, ka kritikuar ashpër presidentin e SHBA-ve, Joe Biden për tensionet Kosovë-Serbi.

Grenell tha në emisionin e Çim Pekës se administrata e Biden bëri një gabim strategjik me tërheqjen e saj nga Kosova dhe lënien e udhëheqjes së dialogut europianëve.

“Fatkeqësisht pozita e administratës Biden, ishte që amerikanët të tërhiqeshin pas dhe europianët do të ishin udhëheqës të dialogut Kosovë-Serbi. Mendoj se ky ishte një gabim strategjik. Kemi parë trupa të NATO-s, që duheshin shtuar në Kosovë. Kur isha unë i dërguar special për dialogun Kosovë-Serbi, unë hodha idenë që trupat e NATO-s të pakësoheshin dhe arsyeja ishte sepse po bënim progres të madh ekonomik, dhe bizneset që po vonin nga e gjithë bota në Shqipëri, Kosovë, Serbi dhe rajon të mos kishin idenë e një konflikti të mundshëm”, u shpreh ai.

Grenell pretendon se nëse Donald Trump do të ishte President, situata në Kosovë nuk do të ishte e tensionuar.

“Besoj se udhëheqësia amerikane është shumë e rëndësishme dhe nuk duhet të ua kalojmë këtë gjë europianëve dhe të presim që ata të dalim me një zgjidhje. Ne e dimë se çfarë kanë bërë gjatë 3 viteve të fundit.

Besimi im është se nuk do ta kishim këtë situatë nëse Donald Trump do të ishte në detyrë dhe arsyeja për këtë është se nëse Trump do të ishte President, do të kishim udhëheqësi amerikane që të vazhdonte ta shtynte Kosovën dhe Serbinë drejt normalizimit ekonomik. Politika tani është që të jetë europianët në udhëheqjen e këtij procesi dhe unë nuk mendoj se është një politikë e mire”, theksoi ai./ CNA.al





Lajmet e fundit nga