web counter
LEXO PA REKLAMA!

SHKARKO APP

App Store
Google Play

E fundit!

x

Meta, thirrje deputetëve të mos votojnë projektligjin për kanabisin: Jemi vend tranzit i drogës

29 Qershor 2023, 14:09, Politikë CNA

Meta, thirrje deputetëve të mos votojnë projektligjin për

Kreu i Partisë së Lirisë, Ilir Meta, në një dalje për mediat, u bëri thirrje deputetëve që të mos votojnë në Kuvend projektligjin për legalizimin e kanabisit për qëllime mjekësore.

Meta, teksa nënvizoi raportin e OKB-së, tha se Shqipëria është vend tranzit i kokainës dhe heroinës.

“Zyra e OKB-së në raportin e fundit të drograve shprehet qartë se Shqipëria është vend kryesor tranzit i kokainës dhe heroinës. Lidhjet e trafikantëve të drogës konstatohet se janë të drejtpërdrejta me Kolumbininë dhe Bolivinë”, u shpreh Meta.

Meta tha se Shqipëria është lënë qëllimisht në këtë situatë që të mos ketë kontroll nga autoritetet.

Sipas kreut të PL-së, DEA amerikane është e shqetësuar për situatën me drogën në Shqipëri dhe kërkon ndihmë dhe bashkëpunim me qytetarët.

“Trafikantët shqiptarë luajnë një rol të madh në trafikun ndërkombëtar të narkotikëve. Vlerësohet se grupet shqiptare e kanë shtrirë hallkën e tyre që nga blerja, shpërndarja, transporti në të gjithë Evropën”, tha Meta.

Në përfundim të deklaratës, ai hodhi akuza të drejtpërdrejta ndaj kryeministrit, ku tha se legalizimi i kanabisit është taksa që Rama po u paguan bandave të narkotrafikut për shërbimin e tyre në zgjedhje.

 

 





Lajmet e fundit nga