I zhgënjyer nga Basha/ Dy arsyet madhore të Gjergj Hanit për të sfiduar “humbësin serial”

27 Qershor 2023, 11:00, Politikë CNA

I zhgënjyer nga Basha/ Dy arsyet madhore të Gjergj Hanit për

Gjergj Hani është emri që do të garojë përballë Lulzim Bashës për kreun e PD-së së vulës.

Sot, në një konferencë për shtyp, Hani ka treguar zhgënjimin e madh që mori nga njeriu që shkatërroi PD-në, Lulzim Basha, dhe dy arsyet pse vendosi të bëhej pjesë e garës.

E para thekson Hani, për të sjellë zërin e 104 mijë demokratëve që edhe pse e dinin që nuk do të fitonin votuan dhe e dyta që Basha dhe demokratët të mos thonë që nuk pati një alternativë tjetër.

Ai shtoi se alternativa nuk është Gjergj Hani, por idetë që do të sjellë ai për të rindërtuar sërish PD-në.

“U anëtarësova në PD me mendimin se në 20 vite diçka do kishte ndryshuar. Konstatova që kjo nuk kishte ndryshuar.

Nuk gjeta hapsirat e nevojshme të jepja kontriubutin tim.

Derisa ndodhi krisja e madhe dhe fillova të përzihem aktivisht, gjithmonë pa qenë anëtar të estabilishmenti të PD, si anëtar i thjeshtë. Me mundësitë që kam patur kam shkruar në vazhdimësi gjatë gjithë kohës sikur u bëra pjesë aktive të jetës politike.

Dua të dal të vendosja ime e papritur për të kandiduar. Erdhi në një moment kur se prisja, kam qenë një nga mbështetësit më të mëdhenj të zotit Basha dhe prisja që rikthimin i tij në skenën politike unë do ta pranoja nëse do të vinte me premisa të qarta mbi çfarë ndan PD nga Sali Berisha, cila është filozofia e partisë që në 30 vite se ka patur kurrë dhe cilat ishin mënyrat që do përdorte për rindërtimin e PD për ta shkëputur nga partia e nepotizmit nga partia e kryetarit e pazarit dhe të pushtetit.

Partia ka bërë pazare pushteti. Isha i bindur që do kthehej me këto premisa kur pashë që rikthimi nuk i plotësonte këto premisa e ndjeva si sfidë personale me demorkatët dhe mora përsipër që në një farë mënyre të sjell zërin e 104 mijë demokratëve që shkuan të votojnë duke ditur se do humbisnin.

Së dyti e bëra edhe që nesër Basha dhe demokratët të thonë që nuk kishte alterantivë. Jo ka një alternativë.

Alternativa nuk është Gjergji po ideja që do të sjellë për demokratët . Deri këtu mbetemi në kuadër të fjalëve dhe do doja të thoja cilat janë mënyrat që kjo ide do të bëhet”, u shpreh në konferencë Gjergj Hani.