web counter
LEXO PA REKLAMA!

SHKARKO APP

App Store
Google Play

E fundit!

x

Kundër vendimeve të PD-së së vulës/ A po krijon Gazment Bardhi një pol të tretë

24 Qershor 2023, 15:33, Politikë CNA
Kundër vendimeve të PD-së së vulës/ A po krijon Gazment
Sekretari i Përgjithshëm i PD-s së vulës, Gazment Bardhi

Sekretari i Përgjithshëm i PD-s së vulës, Gazment Bardhi, ka folur sërish për përplasjet në PD-në e vulës, ku 17 deputetë vendosën të mbajnë zgjedhjet për kryetarin e ri në 29 korrik.

Duke qenë se në PD janë krijuar disa grupime, Bardhi është pyetur nëse po krijohet një pol i tretë në këtë parti.

Ai ka hedhur poshtë aludimet se me qëndrimin e tij kundër vendimeve që po merren për zgjedhjet po tenton krijimin e një poli të tretë në PD.

Gjatë një daljeje televizive, Bardhi ka deklaruar se qëndrimi i tij dhe pjesës më të madhe të grupit parlamentar të PD-së së vulës lidhet me nevojën që partia të riorganizohet duke nisur nga baza.

“Bëhet fjalë për atë se si unë dhe pjesa më e madhe e kolegëve brenda grupit duan ta shohin PD. Nuk kemi kundërshtuar riorganizimin e PD, madje e kemi quajtur emergjencë edhe pse qëndrimi ynë u keqinterpretua dhe u tha sikur ne donim të zgjasnim procesin. Qëndrimi ynë ishte që partia vazhdon të jetë e ndarë në dy pjesë, ndaj në konceptin  tonë partia ka nevojë për një rindërtim duke nisur nga qeliza, që është baza”, ka theksuar ai./ CNA.al





Lajmet e fundit nga