web counter
LEXO PA REKLAMA!

SHKARKO APP

App Store
Google Play

Berisha, akuza Ramës/ “U bie brirëve të luftës, për të shpëtuar nga afera McGonigal”

23 Qershor 2023, 18:38, Politikë CNA

Berisha, akuza Ramës/ “U bie brirëve të luftës,

Kryetari i Partisë Demokratike Sali Berisha, ka reaguar ashpër ndaj kryeministrit Edi Rama pas deklaratave të sotme për tensionet Kosovë-Serbi.

Me anë të një statusi në rrjetet sociale, Berisha thotë se Rama po u bie brirëve të luftës, për të shpëtuar nga afera McGonigal.

Sipas tij, ndërhyrja e kreut të qeverisë dëshmonë se ashtu si presidenti serb, Aleksandër Vuç, edhe kryeministri shqiptar nuk e njeh Republikën e Pavarur të Kosovës.

Deklarata e plotë:

Rama u bie brirëve të luftës, për të shpëtuar nga afera McGonigal.

Prej dy javësh, pas tensioneve në veriun e Kosovës, Edi Rama ndërhyn në mënyrë brutale në punët e brendshme të Kosovës, dukë dëshmuar se njëlloj si padroni i tij, Vuçiç ai de fakto nuk njeh Republikën e Pavarur të Kosovës. Ai del çdo ditë me deklarata që ndjell luftë dhe sulmon, Albin Kurtin.

Një ditë paralajmëron kthimin e Kosovës në kohën e bronzit, ditën tjetër Republikën e KFOR-it, ndërsa sot flet për Donbasin a Ballkanit. Të gjitha këto qëndrime dhe fantazi me luftë, kohë bronzi dhe Donbasi kanë në bazë proceset e pakotrolluara të përroit të tij psikik të lidhura direkt me urdhrat që merr nga padroni i tij, Vuçiç marrëveshja e tyre për ndarjen e Kosovës. Por ato padyshim janë të lidhura edhe me tmerrin pafund, që përjeton nga hetimi i hapur penal ndaj tij në Uashington, për çështjen e tmerrshme McGonigal.

Duke dënuar me forcën më të madhe ndërhyrjet brutale të argatit të Vuçiçit, në punët e brendshme të Kosovës, injorimin me këto qëndrime anti-shqiptare të Pavarësisë së Kosovës dhe duke dënuar me ashpërsi klithmat e tij histerike, për kohë bronzi, lufte, konflikte Donbasi etj… i bëj thirrje komunitetit ndërkombëtar të dënojë këto qëndrime të Edi Ramës me të cilat vetëm sa kontribuon në përkeqësimin e situatës dhe fsheh situatën e tij të rrënuar personale. Sb/ CNA.al





Lajmet e fundit nga