CNA zbuloi skandalin/ Reagon Policia e Shtetit, konfirmon mashtrimin me emailet e rreme

22 Qershor 2023, 19:21, Politikë CNA

CNA zbuloi skandalin/ Reagon Policia e Shtetit, konfirmon mashtrimin me emailet

CNA raportoi pasditen e sotme se një email i rremë nga adresa anonime po i shpërndahet qytetarëve në emër të policisë dhe konkretisht të drejtorit të Departamentit për Policinë Kriminale, Neritan Nallbati.

Ky lajm është konfirmuar edhe nga Policia e Shtetit, e cila pak minuta më parë ka dalë me një reagim zyrtar.

Ekskluzive - Skandali/ Shpërndahet email i rremë në emër të policisë
22 Qershor, 18:55

Sipas raportoi edhe CNA, Policia deklaron se nëpërmjet sistemeve kompjuterike po kryhet një fushatë mashtrimi me emaile të rreme që po i dërgohen qindra qytetarëve.

Blutë kanë bërë me dije se kanë nisur punën e menjëhershme, për parandalimin e pasojave, për hetimin e ngjarjes, si dhe për identifikimin dhe kapjen e autorëve.

Policia e Shtetit fton qytetarët që janë prekur nga këto mesazhe të denoncojnë menjëherë rastet.

Deklarata e policisë:

Drejtoria për Hetimin e Krimeve Kibernetike është vënë në dijeni për një fushatë mashtrimi nëpërmjet sistemeve kompjuterike, e cila synon persona fizikë dhe juridikë, pa dallime të caktuara, me qëllim marrjen e shumave të ndryshme monetare.

Drejtoria për Hetimin e Krimeve Kibernetike njofton të gjithë qytetarët, se ka nisur puna policore e menjëhershme, për parandalimin e pasojave, për hetimin e ngjarjes, si dhe për identifikimin dhe kapjen e autorëve.

Për t’i shkuar në ndihmë çdo shtetasi që mund të preket nga kjo fushatë mashtrimi, bashkëlidhur këtij njoftimi do të gjeni formatin në të cilin dërgohet mesazhi i postës elektronike, si dhe dokumentin e rremë që i bashkëngjitet këtij mesazhi.

Policia e Shtetit fton qytetarët që janë prekur nga këto mesazhe të cilat iu kanë shkuar në emër të titullarëve të Policisë së Shtetit, kjo për të rritur besueshmërinë e këtyre mesazheve, të denoncojnë menjëherë në adresën e postës elektronike [email protected], të Drejtorisë për Hetimin e Krimeve Kibernetike, e cila është duke kryer hetime intensive dhe në ditët në vijim do të japë më shumë informacion rreth kësaj fushate mashtrimi./ CNA.al

CNA zbuloi skandalin/ Reagon Policia e Shtetit, konfirmon mashtrimin me emailet