web counter
LEXO PA REKLAMA!

SHKARKO APP

App Store
Google Play

E fundit!

x

Çështja “Beleri” zbret në Kuvend/ Dule: Arrestimin e orkestroi Rama

22 Qershor 2023, 11:27, Politikë CNA
Çështja “Beleri” zbret në Kuvend/ Dule: Arrestimin
Fredi Beleri

Kreu i PBDNJ-së, Vangjel Dule, ka sjellë në Kuvend çështjen "Beleri" duke shigjetuar kryeministrin Edi Rama nga foltorja e Kuvendit, duke e cilësuar atë si orkestrues të arrestimit dhe mbajtjen peng nga drejtësia të kryebashkiakut të zgjedhur të Himarës, Fredi Belerit.

Teksa po fliste mbi rëndësinë e Avokatit të Popullit, Dule shtoi se në Shqipëri mendimi opozitar nuk pranohet dhe se pushteti është i centralizuar.

“Në vendin tonë nuk kemi pasur atë mbështetje që ne si Kuvend duhet t'i kishim garantuar Avokatit të Popullit.

Kjo ndodh sepse Avokati i Popullit është një institucion opozitar ndaj qeverisjes, por ne nuk kemi tolerancë ndaj mendimit opozitar.

Ne kemi një parti, një qeveri, një shtet dhe në krye qëndron Ludoviku ynë.

Kreu i qeverisë është turpi i Shqipërisë së sotme.

I dhunohet në mënyrë arbitrare liria zotit Beleri, kryetar i zgjedhur, i privohet e drejta kushtetuese për të shtruar të drejtat dhe përgjegjësitë që i kanë ngarkuar bashkëqytetarët e tij.

Mund të ketë shumë aspekte të drejtësisë që mbajnë në mënyrë të paligjshmë zotin Beleri, por dirigjuesi është kryeministri”, tha Dule./ CNA

 





Lajmet e fundit nga