web counter
LEXO PA REKLAMA!

SHKARKO APP

App Store
Google Play

“20 qershori, ditë turpi”/ Berisha hedh akuza ndaj policisë për situatën në kampin e MEK

21 Qershor 2023, 13:47, Politikë CNA
“20 qershori, ditë turpi”/ Berisha hedh akuza ndaj
Ish-kryeministri, Sali Berisha

Ish-kryeministri, Sali Berisha, e ka quajtur një ditë turpi 20 qershorin, ditën ku pati tensione në kampin e MEK dhe pati një viktimë, që sipas policisë së shtetit nuk është vrarë gjatë operacionit.

Në një deklaratë për mediat, Berisha akuzoi policinë se ka ushtruar dhunë brutale mbi muxhahedinët të strehuar në kamp.

“20 qershori do të shënohet në historinë e Shqipërisë, Evropës dhe botës si një ditë turpi. Si një ditë në të cilën, narkoshteti shqiptar pikërisht zgjodhi ditën e refugjatëve, për një reprezalje, përmasat e së cilës, sipas medieve, janë krejt të tjera nga ato që thotë ministri Çuçi dhe zëdhënësi i tij, Rrumbullaku.

Mediat, përveç viktimës, informojnë për gjymtyrë të thyera, të cilat nuk mund të ndodhin kurrë me spraj, për koka të çara, për plagosje të rënda.

Pra, një brutalitet dhe një dhunë e egër, e dënueshme, e papranueshme.

Tani, për ju dhe për shqiptarët, dua të saktësoj disa momente.

Marrëveshja për sjelljen në Shqipëri të muxhahedinëve të popullit, ka nisur zbatimin e saj gjatë qeverisë së mëparshme.

Në atë kohë, muxhahedinët e popullit ndodheshin në një kamp në Irak dhe ishin objekt sulmesh, granatimesh të egra dhe të pamëshirshme nga qeveritarët irakianë.

Kërkesës së Departamentit të Shtetit, gjatë një vizite që unë bërë në Uashington, për të marrë dhe strehuar në Shqipëri muxhahedinët, unë i dhashë këtë përgjigje: së pari, po, do marrim një kontingjent pilot për të parë si po ecën sistemi dhe qëndrimi i tyre.

Së dyti, kërkesa e dytë për t’i marrë ishte që të hiqeshin nga lista e grupit terrorist, sepse ata ishin të listuar nga DASH si grup terrorist.

Kërkesa e tretë ishte që ata në Shqipëri do vinin nën ombrellën e OKB-së. Tani të ndalemi pak te kjo kërkesë, sepse ata duhet të gëzonin pavarësisht nga mikpritja shqiptare, të gjitha të drejtat e njerëzve refugjatë, të përcaktuara nga konventat ndërkombëtare dhe mbrojtjen e tyre. Autoritetet e SHBA-së i kanë pranuar këto kërkesa.

Tani, gjatë periudhës që negociuam dhe i sollëm, nuk parashikohej ngritje e një kampi. Alternativa jonë ishte marrja me qira e banesave në zona të ndryshme të Tiranës dhe natyrisht asistenca për jetën e tyre normale si mysafirë që do ishin. OKB-në nuk e thirrëm për të ndihmuar me ushqime, por për kuadrin e të drejtave të tyre.

Pa dyshim që kërkesë tjetër ishte që nga territori i Shqipërisë nuk mund të zhvillohej veprimtari në dëm të një shteti tjetër. Ata e kishin pasur këtë etiketën si grup terrorist dhe ne nuk mund të pranonim akte, veprime të armatosura, të nisura nga territori i Shqipërisë, të kryheshin nga grupi i muxhahedinëve të popullit.

Këto ishin kërkesat. Erdhi grupi i parë, nja 220 veta.

Më vonë, qeveria mori edhe 2700 të tjerë a 2800 të tjerë. Në mos gaboj, ata blenë tokën në Manëz, Edi Rama firmosi lejen e ndërtimeve dhe të kampit të tyre.

Kjo deri këtu”, tha Berisha./ CNA





Lajmet e fundit nga