web counter
LEXO PA REKLAMA!

SHKARKO APP

App Store
Google Play

E fundit!

x

Bardhi kundër Bashës/ Po vepron si Berisha, mbledhja e Këshillit Kombëtar antikushtetuese

20 Qershor 2023, 10:11, Politikë CNA

Bardhi kundër Bashës/ Po vepron si Berisha, mbledhja e Këshillit

Kreu i grupit parlamentar të PD-së së vulës, Gazment Bardhi e ka quajtur mbledhjen e Këshillit Kombëtar sot të paligjshme dhe antikushtetuese.

I ftuar në emisionin “Të paekspozuarit”, Bardhi është shprehur se duke qenë në një situatë të tillë është e panevojshme pjesëmarrja në këtë mbledhje.

Ndër të tjera, Bardhi thotë se të gjitha metodat në të cilat po operon Basha në prapaskenë janë të njëjtat me ato që përdori Berisha kur vendosi të rikthehej.

 “Mbledhja e të hënës e grupit parlamentar, është mbledhje rutinë, ku përveç agjendës parlamentare të kësaj jave, gjatë mbledhjeve të fundit kemi diskutuar edhe për gjendjen ku ndodhet partia.

Kemi nisur një diskutim që pas zgjedhjeve të 14 majit se si e shikonte seicili prej nesh mundësinë e ringritjes së partisë.

Sot diskutuam për mbledhjen e kryesisë për të thirrur Këshillin Kombëtar, që ka qenë një kërkesë e imja, prej një jave dhe e kolegëve deputetë sepse është një procedurë që e parashikon statuti i partisë. Morën refuzim të një pjese që përbën shumicën në kryesinë e partisë që nuk do të mblidhet Këshilli, nuk është e nevojshme, ndërkohë që të enjten vendosën që ta mbledhin.

Sa doli njoftimi në media që do të mblidhej Këshilli Kombëtar, e kam përshëndetur si vendim dhe si shenjë reflektimi për t’u kthyer në rrugën statutore. Të nesërmen lexova në rrjetet sociale një vendim që ishte në kundërshtim me statutin e partisë.

Kam pritur me qetësi që të më vinte vendimi i kryesisë, por më erdhi një sms që thoshte: I nderuar anëtar i Këshillit Kombëtar, mblidhet Këshilli Kombëtar, në këtë vend, në këtë orë. Dhe mu kujtua të jem i sinqertë, të njëjtën metodë ndoqi edhe z. Berisha, që edhe asoskohe njoftohesha me një sms që vinte nga kompjuteri, që të shkoja në stadium për Kuvend.

Kjo sepse vendimi që më erdhi më vonë kishte zhveshur nga kompetencat sekretarin e përgjithshëm. Edhe këtu mu kujtua 11 dhjetori. Edhe Berisha atëherë nuk kishte besim dhe nuk e kontrollonte Gazment Bardhin. Edhe tani situata është e njëjta.

Nisur nga kjo situatë se çfarë ka ndodhur dhe se çdo të ndodhë në mbledhjen e nesërmen, duke e konsideruar atë të paligjshme dhe tërësisht antistatutore, që thellon ngërçin, kemi vlerësuar se prania jonë është krejtësisht e panevojshme”, u shpreh Bardhi./ CNA





Lajmet e fundit nga