web counter
LEXO PA REKLAMA!

SHKARKO APP

App Store
Google Play

E fundit!

x

Murrizi "nxjerr zbuluar" PD-në e vulës/ Teatri i pështirë për të sfumuar skandalet e qeverisë

19 Qershor 2023, 18:23, Politikë CNA

Murrizi "nxjerr zbuluar" PD-në e vulës/ Teatri i

PD-ja e vulës po vijon përplasjet përsa i përket zgjedhjeve për kryetarin e ri.

Kreu i Grupit Parlamentar të PD-së së vulës, Gazment Bardhi tha se 17 deputetë nuk pranojnë të shkojnë në mbledhjen e Këshillit Kombëtar dhe po veprojnë për interesa personale.

Për këto deklarata ka ardhur një reagim nga ish-deputeti Myslim Murrizi.

Me anë të një statusi në rrjetet sociale, Murrizi thotë se PD-ja e vulës është zhvlerësuar shumë.

Ai deklaron se deputetët e vulës po bëjnë një teatër të pështirë për të humbur vëmendjen nga skandalet e njëpasnjëshme të qeverisë dhe për tu dukur si të rëndësishëm dhe faktorë.

Deklarata e plotë:

Këta janë bërë kaq shumë të zhvlerësuar sa e sfumuan videon e Safetit.

Po kur mendojnë se megjithëmend i marin seriozisht mileti!!!

Po kujt po i plas Safeti se çfarë bëni apo çfarë po ju bën Lyli me Alibeajn ju???

Të gjithë këtë teatër të pështirë për të humbur vëmendjen nga skandalet e njëpasnjëshme të qeverisë dhe për tu dukur si të rëndësishëm dhe faktorë.

Këta zihen si qentë për asgjë, ndërsa qentë e pushtetit shqyejnë çdo gjë.

Këta zihen gjoja për Këshillin Kombëtar që në fakt nuk ekziston. Rama kalon ligjin për 200 hektarë hashash për të “qerasur” bandat që paguan për fushatën.

Këtyre ju çon kamerat nga pas sa herë që i shajnë apo ju japin dajak ata të Lulit, dhe nga ana tjetër SPAK-u nuk heton 115 milionë euro tendera që kanë fituar kompanitë e Safetit, se për videon e parë nuk ka ndonjë ndryshim me atë që ndodh pothuajse në çdo zyrë ku drejtojnë bastardët.

I gjithë ky teatër i pështirë, i një grushti njerëzish që në fakt punuan për kandidatët e Ramës më 14 maj, dhe morën të gjithë së bashku 36 mijë vota për 14 kanidatët që vendosën vetë, bëhet për të shitur veten shtrenjtë në publik, që t’i thonë Berishës dhe opozitës që mori 501 mijë vota që jemi “faktorë”.

Në shtator Berisha dhe opozita reale duhet të ketë grupin parlamentar të saj duke hequr nga grupet inekzistente deputetët që ka qerasur dhe të fillojë seriozisht të merret me strukturat e veta.

Të kërkojë me çdo kusht ndryshim të pazarit fatal të prillit 2008 për Kodin Zgjedhor dhe të harrojë njëherë e mirë çdo vemje që ka ardhur me pagesë apo me lëpirje si deputetë në këtë legjislaturë.

Nëse nuk është e qartë akoma, atëherë do të jetë shumë e shumë më keq se sa është deri sot./ CNA.al





Lajmet e fundit nga