web counter
LEXO PA REKLAMA!

SHKARKO APP

App Store
Google Play

E fundit!

x

Përkthimi i kritereve të publikuara nga PD-ja e "vulës" për kandidatin për kryetar PD-je

19 Qershor 2023, 15:43, Politikë CNA

Përkthimi i kritereve të publikuara nga PD-ja e "vulës"

Sot të gjithë po lexojnë kriteret e shkruara nga Enkelejd Alibeaj në atë që ai e quan listë kriteresh për kandidatin për kryetar të PD-së.

Analizoni pak secilin kriter!

E përkthyer në opsionet se cili mbetet si kandidat me kriteret e Alibeajt, atë herë kandidati duhet që;

- të mos e ketë përjashtuar Berisha nga PD-ja, ose t’i ketë shpëtuar përjashtimit duke kyçur gojën;

- të mos e ketë përjashtuar Luli nga PD-ja, në kohën kur Luli bënte çfarë i thoshte Berisha;

- nëse nuk është ende deputet, të jetë i papunë prej të paktën 10 vitesh ndryshe do quhet që i ka shërbyer Ramës (nuk ka rëndësi që të sqarojë se si ka jetuar të paktën 10 vjet i papunë);

- të jetë ish i përndjekur që ka shoqëri me Enkelejdin ose Enkelejdi vetë;

- sa herë që PD ka humbur zgjedhjet, të ketë dalë e të ketë deklaruar se zgjedhjet janë vjedhur dhe të ketë sharë me libër shtëpie për gjithë horrat që kanë guxuar të kërkojnë analizë për humbjen;

- të dijë të hapë dhe të mbyllë kompjuterin dhe të mund të përdorë word-in;

 - të ketë celular që të mund të komunikojë eventualisht me ndonjë ambasador që do bëhet kurioz që ta njohë se kush është.

Kjo ështa analiza e kritereve të PD-së së vulës për kandidatin e kryetarit, të cilat po i rendisim më poshtë:

1. Të jetë anëtar i Partisë Demokratike prej të paktën 3 vitesh.


2. Të ketë kontribuuar aktivisht në fushatat elektorale të PD-së në 3 vitet e fundit.

3. Kandidati për kreun e PD-së duhet të mos ketë dëmtuar interesat elektorale të partisë në 3 vitet e fundit.

4. Të ketë mbrojtur dhe promovuar në vazhdimësi interesat, vlerat themelore dhe programin e Partisë Demokratike.


5. Të mos ketë masa disiplinore në fuqi sipas parashikimeve të Statutit të Partisë Demokratike.

6. Kandidati për kreun e PD-së duhet të ketë figurë të pastër gjyqësore, duke plotësuar kushtet e dekriminalizimit./ CNA.al





Lajmet e fundit nga