web counter
LEXO PA REKLAMA!

SHKARKO APP

App Store
Google Play

E fundit!

x

Jonila Godole, thirrje kolegëve të PD-së së vulës/ “Lini mënjanë interesin personal”

19 Qershor 2023, 22:21, Politikë CNA
Jonila Godole, thirrje kolegëve të PD-së së vulës/
Anëtarët e PD-së së vulës

Anëtarja e Kryesisë së PD-së së vulës, Jonila Godole, ka reaguar për përplasjet në lidhje me zgjedhjet për kryetarin e ri.

Me anë të një statusi në rrjetet sociale, Godole i kërkon kolegëve në PD-në e vulës që të vendosin dialogun dhe diskutimin konstruktiv për një parti fituese në 2025

Ajo deklaron se vendimet e fundit për zgjedhjet e kryetarit të ri të PD-së janë të nxituara, të njëanshme dhe bien ndesh me statutin.

Jonila Godole thekson se kolegët e saj duhet të lënë mënjanë interesit personal, vetjak apo të ndokujt tjetër.

“Duke parë vendimet e nxituara dhe të njëanshme të kryesisë në javët e fundit, të cilat po dëmtojnë dhe po ushqejnë përçarjen e PD-së, u bëj thirrje kolegëve të kryesisë të vendosin dialogun dhe diskutimin konstruktiv për një parti fituese në 2025, përpara interesit personal (vetjak apo të ndokujt tjetër).

Nxitimi për zgjedhjen e kryetarit dhe kriteret flagrante që një pakicë ka miratuar dhe shpërndarë sot në media, bien ndesh me statutin, përjashtojnë nga gara përfaqësues të Asamblesë Qytetare miratuar nga Kuvendi Kombëtar më 18 dhjetor 2021, dhe e bunkerizojnë akoma më shumë PD-në, në vend që ta hapin atë.

Berishizmi nuk ka brirë, ai nënkupton mbyllje gare, paracaktim të fituesit, votime jo zgjedhje, kapje të strukturave të partisë, nënshtrim ndaj njëshit. Kryesia dhe këshilli kombëtar kanë shansin historik të ndahen nesër jo me fjalë, por me vepra, nga kjo mendësi që është ulur këmbëkryq në PD dhe nuk e lë atë të jetë alternativë fituese për shqiptarët”, shkruan ajo./ CNA.al

Jonila Godole, thirrje kolegëve të PD-së së vulës/





Lajmet e fundit nga