web counter
LEXO PA REKLAMA!

SHKARKO APP

App Store
Google Play

E fundit!

x

Skandali i Gjicit/ Besart Xhaferri: SPAK të merret me korrupsionin, jo vetëm  me "hamshorllëkun"

19 Qershor 2023, 19:52, Politikë CNA
Skandali i Gjicit/ Besart Xhaferri: SPAK të merret me korrupsionin, jo
Kreu i FRPD-së, Besart Xhaferri

Kreu i FRPD-së, Besart Xhaferri, ka reaguar në lidhje me skandalin e Safet Gjicit, i cili pasi kreu aktinseksual me shtetasen Alma K., biseduan për një tender në lidhje me qentë e rrugës.

Me anë të një statusi në rrjetet sociale, Xhaferri thotë se publikimi i videos së plotë faktoi se afera seksuale u pasua me firmosjen e dokumentacionit për nisjen e një procedure tenderimi.

Ai i kërkon SPAK të hetojë korrupsionin e Gjicit, pasi thekson se  nuk ka asnjë arsye se përse ky i fundit nuk është vendosur në pranga për ushtrim ndikimi të paligjshëm dhe shpërdorim detyre. 

Statusi i plotë:

Skandali Gjici/ Seks me procedurë tenderuese të paracaktuar për komoditetin e qenve!

Publikimi i plotë i video-skandalit të Safet Gjici, faktoi se afera seksuale në zyrën e Bashkisë Kukës, u pasua me firmosjen e dokumentacionit për nisjen e një procedure tenderimi, ku Safet Gjici udhëzoi vartësit e tij të favorizonin shtetasen Alma Kaçi.

Për ironi të fatit në një kohë kur me dhjetëra djem të rinj nga Kukësi, rrezikojnë jetën duke kaluar me gomone nga Franca në Angli, kreu i Bashkisë Kukës, firmos një tender me prapavijë erotike për strehimin e qenve endacakë, a thua se ky ishte halli më i madh i kuksianve. 

Kukësi sot është rrethi më i varfër në Shqipëri, e kjo nuk e pengoi mëkëmbësin e Ramës të konsumonte një skandal të këtyre përmasave.

Safet Gjici ka gënjyer kur pohoi se me vajzën ishte në një lidhje intime, ndaj nuk ka asnjë arsye se përse ai sot nuk është prapa hekurave për ushtrim ndikimi të paligjshëm dhe shpërdorim detyre, por endet i lirë. 

Safet Gjici është shëmbëlltyra e Rilindasit të majmur me pushtet që më paratë e korrupsionit tjetërson vullnetin e qytetarëve.

SPAK duhet të merret me korrupsionin dhe jo vetëm  me "hamshorllëkun" e tij./ CNA.al





Lajmet e fundit nga