web counter
LEXO PA REKLAMA!

SHKARKO APP

App Store
Google Play

E fundit!

x

Revoltohet deputeti i 362 votave/ “Veliaj u betua në tarracën e bashkisë “

21 Qershor 2023, 12:43, Politikë CNA

Revoltohet deputeti i 362 votave/ “Veliaj u betua në tarracën e

Deputeti i 362 votave, Petrit Vasili, është revoltuar për faktin se kreu i bashkisë, Erion Veliaj, është betuar në tarracën e bashkisë pas marrjes së mandatit të tij të tretë.

Vasili në deklaratën e tij është shprehur se kryetari ka detyrimin që të betohet përpara Këshillit Bashkiak në sallën zyrtare ku dhe vetë këshilli dhe të gjithë këshilltarët u konstituuan.

Sipas tij, Veliaj nuk ka asnjë lidhje me ligjin dhe funksionimin transparent të tij.

“Kryetari i bashkisë së Tiranës betohet në tarracën e bashkisë duke treguar hapur që nuk ka asnjë lidhje me ligjin funksionimin serioz dhe trasparent të bashkisë.

Monizmi në Bashkinë e Tiranës ka marrë fund dhe Veliaj ka tmerr të përballet me këshilltaret e opozitës.

Koha e abuzimeve ka marrë fund dhe ka ardhur koha e llogaridhënies deri në një.

Kryetari kusar i deklaruar i inceneratorëve, i asfaltit elektoral, i pishave 5500 euro, i grabitjes me qindra tendera korruptiv i pagatorit të gazetarëve këshilltarë ujësjellësi, i paguesit të miliona euro për propagandë mashtruese, të paguesit të mijëra parazitëve në Bashkinë e Tiranës, ai që i la fëmijët në shkolla me turne dhe që i bën qytetarët të marrin ujë me autobote është tani përballë këshilltarëve opozitarë që do të zbërthejnë deri në fund çdo aferë.

Ky kryetar, anti-ligj, vjedhës dhe shantazhues i deklaruar votash ka detyrimin që të betohet përpara këshilllit bashkiak në sallën zyrtare atje ku dhe vetë këshilli dhe të gjithë këshilltarët u konstituan.

Betimi bëhet vetëm përpara këshillit dhe këshilltarëve në sallën e ngarkuar me ligj dhe as në tarracën e bashkisë, as te Lana dhe as në Surrel.

Përpëlitjet e Erion Velisë janë të kota dhe ky skandal tregon frikën për t’i parë në sy këshilltarët opozitarë.

Shkatërruesi i teatrit dhe hajduti i inceneratorit që nuk ekziston nuk i shmanget dot llogaridhëniës ndaj fillimi me turp i tij do të shënojë edhe fundin akoma më të turpshëm të këtij kryetari tarracash dhe jo kryetari institucioni.

Faqe e zezë për këshilltarët bashkiakë rilindas, që pranojnë poshtërimin dhe përdhunimin e këtij karagjozi dhe llafazani grabitës dhe shpërdorues serial i taksave të qytetarëve të ndershëm të Tiranës”, është shprehur Vasili./ CNA





Lajmet e fundit nga