web counter
LEXO PA REKLAMA!

SHKARKO APP

App Store
Google Play

E fundit!

x

Berisha nuk i ndahet Bashës për paratë ruse/ “Bëhu burrë e shko në burg”

20 Qershor 2023, 21:58, Politikë CNA
Berisha nuk i ndahet Bashës për paratë ruse/ “Bëhu
Kryetari i Partisë Demokratike, Sali Berisha

Kryetari i Partisë Demokratike, Sali Berisha, nuk i është ndarë Lulzim Bashës, kreut të dorëhequr të PD-së përsa i përket çështjes së parave ruse.

Berisha hodhi sërish akuzat se kryeministri Edi Rama e mban Bashën peng me dosjen e 720 mijë dollarëve.

“Lulzim Basha është peng i Edi Ramës sepse me dosjen e 720 mijë dollarëve, Lulzim Basha u hetua nga Prokuroria e Tiranës për larje parash dhe u përfundua hetimi dhe do dërgohej në Gjykatën e Lartë për të marrë dënimin. Edi Rama, nëpërmjet një prokurori, në kundërshtim me ligjin, e mbajti dosjen 28 ditë sa është afati dhe ditën e 29 ai dha dorëheqjen dhe dosja mbeti në sirtarin e tij. Skadoi afati që dosja të shkonte në Gjykatën e Lartë. Prokurori tjetër nuk e firmosi. Dosja është e hapur, Rama e ka në dorë kur të dojë. Lulzim Basha e di sepse mbrapa saj ka në kurriz të paktën 6 vite burg. Ndaj Edi Rama e ka në dorë atë”, u shpreh ai në një intervistë me Blerta Tafanin.

Ish-kryeministri tregoi bisedën me Bashën në vitin 2017 për burimin e këtyre parave dhe theksoi se Basha duhet të ketë burrëri të shkojë në burg.

“Kur e sulmuan që janë para ruse më tha asnjë qindarkë nuk është ruse. Më tha janë fonde të mbledhura nga një biznesmen shqiptaro-amerikan që do ja kthej këtu. E pyeta, a ke zbatuar ligjin shqiptar dhe amerikan në transaksionet financiare? Më tha po. Më mbrapa doli që nuk janë ashtu. Shërbimet amerikane publikuan një raport ku shkruan se PD në 2017 është financuar nga para ruse. Raporti i CIA-s u përgënjeshtrua nga Basha. Por nuk e bëri kurrë të qartë se ku i ka marrë paratë. Nëse nuk e pranon, duhet të kesh burrëri të shkosh në burg, kjo duhet zgjidhur, por nuk mund të rrish në kapistrën e Edi Ramës”, theksoi Berisha.





Lajmet e fundit nga