web counter
LEXO PA REKLAMA!

SHKARKO APP

App Store
Google Play

Mediu, mesazh autoriteteve/ “Analizoni çdo fakt për të sqaruar situatën e kampin e MEK”

20 Qershor 2023, 16:27, Politikë CNA
Mediu, mesazh autoriteteve/ “Analizoni çdo fakt për të
Kreu i Partisë Republikane, Fatmir Mediu

Kreu i Partisë Republikane, Fatmir Mediu, ka reaguar në lidhje me ngjarjen në kampin e MEK në Manëz të Durrësit.

Me anë të një statusi në rrjetet sociale, Mediu e cilëson të papranueshme përplasjen në kampin e MEK dhe kërkon që policia të sqarojë situatën.

Ai deklaron se banorët e kampit Ashraf duhet të trajtohen si mysafirë në shtëpinë tonë, duke zbatuar ligjet tona.

“Situata e krijuar sot me përfaqësuesit e MEK(Rezistencës Iraniane) është e papranueshme.

Shteti shqiptar me kërkesën e autoriteteve më të larta të SHBA u krijoj atyre mundësinë për tu strehuar në Manëz.

Politika shqiptare ka qenë konsensuale në mbështetjen e tyre.

Liderë të SHBA si zv Presidenti Pens, Sek shtetit Pompeo, Sekretarja Hillary Klinton, Sekretari Kerry, Gjenerali Jones, ushtarakë të lartë, shumë senatorë dhe kongresmenë dhe liderë botëror kanë vizituar dhe mbështetur Rezistencën Iraniane dhe vlerësuar mikëpritjen shqiptare.

Pa dashur të vlerësoj aspektet teknike është e papranueshme përplasja me banorët e kampit Ashraf në Manzë, ndërkohë që çdo gjë mund të procedohej sipas ligjit.

Autoritetet duhet të analizojnë çdo fakt për të sqaruar këtë situatë, kërkojnë ndjesë banorëve të kampit Ashraf dhe t’i sigurojë ata se kjo situatë nuk do përsëritet.

Ata janë strehuar në territorin shqiptar në bazë të ligjeve dhe duhet të trajtohen si mysafirë në shtëpinë tonë duke zbatuar ligjet tona, por kurrsesi nuk mund të dhunohen në çdo lloj forme. As ligji as zakonet tona si shqiptarë se pranojnë këtë.

Kjo përplasje vjen kundër vlerave dhe imazhit të Shqipërisë”, thuhet në deklaratë./ CNA.al

Mediu, mesazh autoriteteve/ “Analizoni çdo fakt për të





Lajmet e fundit nga