web counter
LEXO PA REKLAMA!

SHKARKO APP

App Store
Google Play

E fundit!

x

Muxhahedinët ndezin debatin/ Noka përplaset me Kikian: Ta tregoj unë dinjitetin ty

20 Qershor 2023, 23:00, Politikë CNA

Muxhahedinët ndezin debatin/ Noka përplaset me Kikian: Ta tregoj

Deputeti i Partisë Demokratike, Falmur Noka, ka debatuar ashpër me gazetarin Mentor Kikia, teksa diskutuan për operacionin e policisë dhe tensionet në kampin e MEK, në Manëz të Durrësit.

Kikia tha se MEK është një ish-strukturë terroriste dhe minë me sahat që vetëm Shqipëria ka pranuar t’i strehojë.

Ai deklaroi në emisionin e Eni Vasilit se është e padrejtë dhe jo e denjë që Noka të përbaltë vendin për ngjarjen e sotme në Manëz për hir të opozitarizmit.

Por kjo nuk u prit mirë nga deputeti, i cili u “përplas” me gazetarin.

Pjesë nga debati:

Kikia: MEK është ish-strukturë terroriste. Është mina me sahat që nuk e pranoi asnjë shtet në botë dhe e pranuam vetëm ne. Këta nuk janë opozita. Opozita qëndron në Paris dhe është tërësisht legale. Është e padrejtë të përbaltni vendin tuaj për hir të opozitarizmit si politikan që jeni.

Noka: Nuk po përbalt vendin tim unë.

Kikia: Nuk është e denjë dhe e drejtë.

Noka: Ta tregoj unë dinjitetin ty tani.

Kikia: Mos ma trego mua dinjitetin.

Noka: Dëgjo këtu, veprimi i policisë është terrorist.

Kikia: Ju qofshi!

Noka: Nuk është tallava këtu. Më lër ta mbaroj. Unë u kam thënë se nuk kemi pasur kushte për t’i mbajtur. Policia ushtron dhunë dhe këtë e kemi parë.

Kikia: Padyshim.

Noka: Dhunë e terror si të jenë banda. Ministri Çuçi është gënjeshtar. Nuk kemi pse konsultohemi me SHBA tha. Konsulta e parë që është bërë dhe e vetme që qeveria Berisha ka bërë ka qenë me SHBA-në. Me kërkesën e tyre kemi marrë 220 muxhahedinët e parë./ CNA.al





Lajmet e fundit nga