web counter
LEXO PA REKLAMA!

SHKARKO APP

App Store
Google Play

Basha, “mollë sherri”/ Sula, debat me Endri Hasën: Ke rënë në dashuri me Lulin

21 Qershor 2023, 22:30, Politikë CNA
Basha, “mollë sherri”/ Sula, debat me Endri Hasën: Ke
Endri Hasa, Lulzim Basha dhe Dashnor Sula

Ish-deputeti Endri Hasa dhe deputeti Dashnor Sula kanë vijuar debatet e forta.

“Mollë sherri” ka qenë Lulzim Basha dhe zgjedhjet për kreun e ri të PD-së, ku ka shpallur kandidaturën kryetari i dorëhequr.

Sula tha se nuk beson në ëndrra dhe në fitoren e Lulzim Bashës, ndaj theksoi se është kundër kandidimit të tij.

Por Hasa mbështeti kreun e dorëhequr të PD-së, i cili në gjykatë rezulton të jetë ende në detyrë. Duke iu kundërpërgjigjur, deputeti i tha Hasës se ka rënë në dashuri me Lulzim Bashën.

Pjesë nga debati:

Sula: Unë nuk besoj budalliqe si puna jote që Lulzim Basha mbin fitore. S’besoj që as Sali Berisha të mbijë fitore.

Hasa: Gjithsecili beson atë që mendon vetë.

Sula: Ti që ke qejf të besosh në ëndrra, që sheh ëndrra që Lulzim Basha do fitojë dhe do marrë pushtetin, beso, kënaqu, lumturohu, zbukurohu...

Hasa: Unë nuk shoh ëndrra fare. Jam konsistent në qëndrimin tim. Ti që do të shohësh ëndrra...

Sula: ... unë nuk e besoj këtë gjë. Ti do, bëje, vazhdo e bëje. Unë nuk mund të gënjej dot as demokratët...

Hasa: Cilët demokratë?

Sula: Ata që janë...

Hasa: Ata që janë, janë ndarë dhe nuk i bashkojmë ne dot 1+1 në matematikë. Politika, zoti Sula, është kimi. Njerëzit nuk ngizen kot.

Sula: Ti ke rënë në dashuri. Ti ke rënë në dashuri me Lulzim Bashën, hallall ta bëftë zoti. Ti ke kimi dashurore, unë s’kam kimi dashurore as për Bersishën, as për Bashën, ti ke për njërin, mbaje ore kiminë...

Hasa: S’kam fare.../ CNA.al





Lajmet e fundit nga