web counter
LEXO PA REKLAMA!

SHKARKO APP

App Store
Google Play

Seanca nis me debate të forta/ Berisha kërkon dorëheqjen e Çuçit

22 Qershor 2023, 10:23, Politikë CNA

Seanca nis me debate të forta/ Berisha kërkon dorëheqjen e

Seanca e sotme parlamentare ka nisur me debate të forta, ku ish-kryeministri Sali Berisha, ka kërkuar që të diskutohet për ngjarjen në kampin MEK.

Ai ka kërkuar largimin e menjëhershëm nga detyra të ministrit të Brendshëm, Bledi Çuçi, dhe gjithashtu ka kërkuar të mbahet një minutë heshtje për viktimën në kamp.

"Sot ndihem muxhahedin, të mbajmë një minutë heshtje për martirin e lirisë.

Jam këtu për të deklaruar sot se në këtë moment ndihem më shumë se kurrë njëri prej tyre, ndihem një muxhahedin, luftëtar i lirisë.

U shpreh atyre ndjenjat e mia më të sinqerta të mbështetjes dhe simpatisë.
Ndihem sot muxhahedin sepse qeveria amorale e këtij vendi vrau në bukë të vet, në strehë të vet, një luftëtar lirie.

Ndihem sot muxhahedin më shumë se kurrë, sepse aktakuza e djeshme që lexuat, është historia më e turpshme për një vend.
Ajo ishte e shkruar në Teheran. Aktakuza bazohej e tëra në shpifje, trillime të shërbimeve të ajatollahëve ndaj luftëtarëve të lirisë.

Aktakuza përmbante elementë të poshtërimit ekstrem të Shqipërisë dhe shqiptarëve, sikur nuk është një vend anëtar i NATO-s, por sikur është një vasal i Iranit.

Të marrësh ato për bazë, për të ushtruar një reprezalje më të turpshme në historinë e këtij vendi.
Ndaj kërkoj largimin e menjëhershëm të ministrit të Brendshëm.

Kërkoj të mbajmë një minutë heshtje për martirin e lirisë që ra për t’u bërë i pavdekshëm.
Ju ftoj të mbajmë një minutë heshtje!", tha Berisha./ CNA





Lajmet e fundit nga