web counter
LEXO PA REKLAMA!

SHKARKO APP

App Store
Google Play

Aksioni policor ndaj MEK/ Ndoka zbulon çfarë fshihet pas situatës në kampin MEK

22 Qershor 2023, 14:05, Politikë CNA

Aksioni policor ndaj MEK/ Ndoka zbulon çfarë fshihet pas

Kreu i PDK-së, Nard Ndoka, ka komentuar aksionin policor që u zhvillua së fundi në kampin e muxhahedinëve në Manzë të Durrësit.

Gjatë një interviste televizive, Ndoka tha se ka diçka tjetër pas këtij aksioni dhe sipas tij është një politikë globale më e thellë.

Ndër të tjera, deputeti foli dhe për heshtjen e Pandeli Majkos, një nga njerëzit aktivë për çështjen e muxhahedinëve.

“Kemi qeveri të papërgjegjshme, nuk mbrojmë dot sigurinë tonë kombëtare. Kush ia jep internetin atyre, kemi filtra kontrolli, jo në momentin që të teket të bësh goditje.

Kemi disa politikanë që kanë shkuar në mënyrë periodike tek ata, kanë bërë konferenca, edhe unë kam qenë i ftuar disa herë.

Kemi pasur shokun Pandeli Majko, të cilit i pëlqente akullorja iraniane, ishte sivllau i tyre dhe këto personazhe fshihen, as nuk dalin për të bërë transparencë.

Ka diçka tjetër pas këtij aksioni, është një politikë globale më e thellë. Nuk është hera e parë. Ka viktima gjithandej. Rama mendon se e ka të përjetshme miqësinë me SHBA-në. Rama mund ta ketë në kurriz më vonë sepse DASH i ndërron partnerët në bazë të interesave.

Sot është i mirë, nesër mund të jetë politikani më i poshtër, më i dështuar, dalin informacione të nëndheshme. Duhet të ndërtojmë politikë kombëtare, duke përfshirë edhe Kosovën në mes. Të kemi fillimisht harmonizim të interesave tona. Por këta janë personazhe që ulin kokën dhe firmosin çdo gjë që u vendosin në tryezë. Kemi Bashën peng të këtyre konjukturave”, tha Ndoka./ CNA 





Lajmet e fundit nga